POLITIIT NALUNAARUTAAT

Tillinniatut pasineqartut biilinik aallarussinermi kingorna ajutoortut

Pisiniarfiup Kamik Deres Tankip tillinniartoqarneranik kalerrisaarutaa ullaassaq nalunaaqutaq tallimat missaani aallartinneqarpoq, akunnerlu ataaseq qaangiummat Nuummi angerlarsimaffik tillinniarfigineqartoq, biilinillu aallarussisoqartoq politiinut siarngutigineqarpoq.

Nuummi tillinniartoqarpoq, biilinik aallarussisut inuusuttut ukiukitsut marluk nuussuarmi politiinik malersorneqartillutik ajutooramik qimaasimapput. Inuusuttut marluk tigusarineqarsimapput, ataaserlu suli ujaarineqartoq Kalaallit Nunaanni Politiit ilisimatitsissutigaat.

Assi: Toqqorsivimmit assi

Masauna Peary Masauna Peary Journalist

Saqqummersinneqarpoq 9. Juuni 2026 - 11:05

Nuummi ullaassaq nalunaaqutaq tallimat missaani, pisiniarfiup Kamik Deres Tankip tillinniartoqarneranik kalerrisaarutaa aallartippoq.

Nuummi angerlarsimaffimmi aamma tillinniartoqarsimasoq akunneq ataaseq qaangiummat nalunaaqutaq arfernup missaani paasineqarpoq.

Tillinniarsimasutut pasineqartut biilinik aallarussisut politiinik malersorneqartillutik Nuussuarmi ajutoornermi kingorna qimaasimasut Malik Olesen, Politiit pigaartuisa pisortaat, oqarpoq.

Ussassaarut

Tigusarineqartut ukiukitsut

Biilinik ajutoornerup kingorna inuit pingasut biiliniit qimaasimasut, marlullu politiinit malersorneqarlutik tigusarineqartut, pingajualli suli ujaarineqartoq, ilisimatitsissutigineqarpoq.

Piffinni tillinniarfigineqartuni takunnissimasinnaasunik politiit attavigineqarnissaminnik kaammattuipput. Kalaallit Nunaanni politiit oqarasuaataat 701448 sianerfigineqarsinnaavoq, Malik Olesen oqarpoq.

Tigusarineqartut ukiukitsut paasineqarpoq, socialimilu oqartussat aamma angajoqqaat/akisussaasut suliami ilanngutsinneqassasut ilisimatitsissugineqarpoq.

Tigusarineqartut killisiorneqareerunik iperagaassapput.