Toqqit, siniffiit generatorilu Nuummut tikiunneqartut
Naalakkersuisup Peter Borgip (D) containeri upalungaarsimanermut atortunik Danmarkimit nassiussaasoq marlunngornermi ammarpaa.
- Atortut tikittut nuannaarutigaakka. Ilaatigut generatorit, toqqit siniffiillu tikiunneqarput. Nassiussarsiagut ilaatigut tassaapput sarfaliuutit, tupit siniffiillu, naalakkersuisoq Peter Borg (D) containerit Danmarkimit upalungaarsimanermut atortunik imallit ilaat ammartillugu oqarpoq.
Assi: Oscar Scott Carl
Kalaallit Nunaata ajornartoornernik iliuuseqarfiginnissinnaanera maannakkut ukkatarineqartorujussuuvoq, naalakkersuisull Peter Borgip containeri atortunik Danmarkimiit tikisitanik imalik marlunngormat ammarmagu upalungaarsimaneq nukittorsarneqarlunilu annertusineqarpoq:
- Atortut tikittut nuannaarutigaakka. Ilaatigut generatorit, toqqit siniffiillu tikiunneqarput. Nassiussarsiagut ilaatigut tassaapput sarfaliuutit, tupit siniffiillu. Atortut, danskit inuiaqatigiit isumannaatsuunerannut upalungaarsimanermullu ministeriata Torsten Schack Pedersenip Danmarkimi sapaatip akunnera qaangiutilaartoq nammineq ikiuulluni poortorsimasai, taanna oqarpoq.
Naalakkersuisoq naapertorlugu Danmarkip upalungaarsimanermut tunngasutigut suleqatigilluarnerulernera Kalaallit Nunaata nammineq upalungaarsimaneranut akisussaassuseqarluni ilassutitut isigineqarpoq.
Ilaatigut kiassarnermut atortorissaarutit aamma innaallagiaaruttoqartillugu generatorit atorneqarsinnaasut Danmarkimi inuiaqatigiinni isumannaallisaanermut upalungaarsimanermullu ministeri Torsten Schack Pedersen ilisimatitsivoq, taakkulu nerisassanut atortunut sulisunullu Danmarkimit Kalaallit Nunaannut tikiunneqareersunut tapertaapput.
- Piffissami matumani ataatsimoornissarput pingaaruteqarpoq – Kalaallit Nunaannilu upalungaarsimanerup nukittorsarneqarnissaanut peqataasinnaagatta nuannaarutigaara. Tamanna kalaallit piffissami kingullermi tatineqarsimasut toqqissisimanissaannut iluaqutaavoq, Torsten Schack Pedersen oqarpoq.
