KL

DK

Ullormi assit: Innuttaasut sinniisoqarfik tunuppaat

Amerikamiut Nuummi sinniisoqarfittaavat sisamanngornermi ammaanersiorneqarpoq. Tamatuma nalaani innuttaasut 500-t missaanniittut akerliussutsimik takutitsillutik ingerlaaqatigiillutillu sinniisoqarfik tunuppaat. "No means no!" aamma "Kalaallit Nunaat kalaallit pigaat" innuttaasunit ilaatigut suaartaatigineqarput.

Nuummi Amerikamiut sinniisoqarfiata ammaqqammersup saavani akerliussutsimik takutitsisut.
KASSAALUK KRISTENSEN
KASSAALUK KRISTENSEN Digitalimik aaqqissuisoq
Oscar Scott Carl
Oscar Scott Carl Assiliisumik tusagassiortoq
Saqqummersinneqarpoq

Sinniisoqarfiup init nutaat sisamanngornermi ualikkut qaaqqusanut ammarlugillu ilassinnippoq. Nunanut allanut naalakkersuisuusimasoq maannalu Demokraatit sinnerlugit Inatsisartunut ilaasortaq Vivian Motzfeldt parteeqataalu Napaartoq Petrussen qaaqqusat ilagaat.

Inuussutissarsiornermi ingerlatsisut, sinniisoqarfiit atorfilittallu ilassinninnermut peqataapput. Ilassinninneq Naalakkersuisunit peqataaffigineqanngilaq. Qaaqqusaasunit 300-sunit 100-t missaat sinniisoqarfiup ammaanersiorneqarnerani peqataapput.

Innuttaasut 500-t Amerikamiunut naammagiliinertik takutinniarlugu akerliussutsimik takutitsinermut peqataaniarlutik ulloq taanna aalajangerput.

Innuttaasut Donald Trumpip Kalaallit Nunaannik tigusiniarneranik naammaginninnginnertik takutinniarlugu sisamanngornermi maajip 21-ani nalunaaqutaq 16.30 akerliussutsimik takutitsipput.
"USA ASU", "No means no" aamma "Kalaallit Nunaat kalaallit pigaat" akerliussutsimik takutitsisunit ilaatigut oqariartuutigineqarput.
Nunatta siunissaa kalaallit namminneq aalajangissagaat aallartitap Ken Howeryp oqalugiarnermini naqissuserpaa. Hawaiimiut kulturiannik akunniliisut, Daniel Ho nipilersoqataalu tunuani takuneqarsinnaapput.
Nuummi Amerikamiut sinniisoqarfiata ammaqqammersup saavani 2026 -mi sisamanngornermi maajip 21-ani akerliussutsimik takutitsisut.
USA-p Kunngeqarfimmut aallartitaa, Ken Howery, qaaqqusanik tikilluaqqusivoq.
Nuummi Amerikamiut sinniisoqarfiata ammaqqammersup saavani 2026-mi sisamanngornermi maajip 21-ani akerliussutsimik takutitsisut.
Ken Howery ualinerani inuiattut erinarsuut erinarsorlugu aallartillunilu qaaqqusat sinniisoqarfittaamut tikilluaqquai.
Nuummi Amerikamiut sinniisoqarfiata ammaqqammersup silataani 2026-mi sisamanngornermi maajip 21-ani akerliussutsimik takutitsisut.
Sinniisoqarfiup ammaanersiorneqarnerani nachos guacamolelu sassaalliutigineqarput.
Qaaqqusat USA-p præsidentiata Donald Trumpip, præsidentip tulliata J.D. Vancep aamma nunanut allanut ministerip Marco Rubiop assingisa ataani, qaaqqusat allattaviannut allassinnaapput.
amerikamiut konsulateqarfiat vivian motzfeldt inuiaqatigiit nuuk innuttaasut akerliussutsimik takutitsineq

Atorfiit tamaasa takukkit

PODCASTI

Powered by Labrador CMS