Umiarsuaq pisariaqartitsisoqartillugu sarfalersuisussaq Uummannamut unnugu tikissaaq

Uummannap innaallagissiorfia ataasinngornermi ullaakkut ikuallannerata kingorna illoqarfiup pingajoraarterutaa kisimi innaallagiaqarpoq.

AAMMA ATUARUK

Uummannami ikuallattoq qamisarneqarpoq: Qatserisartut ikiuiartorlutik aallarput

Atuuffiit inuiaqatigiinnut pingaarutillit pingaarnerpaatillugit pilersuineq Nukissiorfinniit ingerlanneqarpoq.

Umiarsuaq pisariaqartitsisoqartillugu innaallagissamik pilersuinermik annertusaasinnaasoq, arlalinnillu generaatorinik nassataqartoq, Uummannamut marlunngornermi unnukkut tikinnissaa naatsorsuutigineqarpoq.

- Nukissiorfiit Uummannami sulisui umiarsuup tikinnissaanut maanna piareersaleruttorput, umiarsuaq tikinniariarpat ikkuissuinissamut piareersimaniarlutik.

- Iluarsaartuussinerup nalaani innaallagissamik pilersuinerup uneqattaartarsinnaanissaa naatsorsuutigineqassaaq, Nukissiorfiit nittartakkamini marlunngornermi ullaakkut allappoq.

Aammattaaq pissutsini unamminiarnartuni ikiuuttut tapersersuisullu tamaasa suliffeqarfiup qutsavigingaarpai.

Naatsorsuutigineqarpoq pisoq pillugu unnugu nalunaaruteqartoqarnissaa.

Nutarterneqarpoq: Innaallagissiorfimmi ikuallattoq suli qaminneqartoq, Kalaallit Nunaanni Politiit marlunngornermi ullaap tungaani Facebookikkut nalunaarput

Uummannami innuttaasut innaallagissamik aammalu kialaarfimmik pisariaqartitsisut katersortarfimmut ornigussinnaapput. Aammattaaq Uummannami politeeqarfimmut ornigulluni suli saaffiginnittoqarsinnaavoq, politiit taama allapput.