KL

DK

UNICEF toqqissisimaneq upalungaarsimanerlu pillugit eqqartueqatigiinnissamut qaaqqusivoq

Folk & Sikkerhed Kalaallit Nunaat aamma UNICEF februaarip tallimaani eqqartueqatigiinnissamut innuttaasunik qaaqqusipput.

Ina Fassbender/AFP/Ritzau Scanpix
Hollie Olsen Kielsen Tusagassiortoq
Saqqummersinneqarpoq

Nuummi katersortarfimmi sapaatip-akunnerani matumani nalunaaqutaq 16:30 - 18:30 eqqartueqatigiittoqassaaq. Inuiaqatigiinni toqqissisimanerulertoqarnissaa upalungaarsimanerlu tigussaanerusumik eqqartorneqarnissaa siuneqartarineqarpoq.

Eqqartueqatigiinnermi peqataasut meeqqat inuusuttullu toqqissisimannginneq sillimanerlu pillugit qanoq oqaluunniissaat pillugu siunnersuuteqartoqartoqarnissaa naatsorsuutigissavaat. USA-p Kalaallit Nunaannik tiguaaniarnerata oqariartuutigineqaqattaarneqarnikuunera tamatumani pineqarpoq.

Quppersakkat “Pisoqarpammi” aamma “Ajornartoorfiusumi qitornat imatut tapersissavat” saqqummiunneqassapput. Quppersakkat naqiterneqarnikuupput Nuummilu agguaarneqarnissaannut piareeqqallutik.

Innuttaasut akorniminni eqqartueqatiginissamut periarfissaqarlutillu Folk & Sikkerhed Kalaallit Nunaannut aamma UNICEF-imut apeqquteqarnissamik periarfissaqassapput.

Eqqartueqatigiinnissaq Kaj Kleistimit (Folk & Sikkerhed Kalaallit Nunaat sinnerlugu siulittaasoq) Tina Damimillu (UNICEF Kalaallit Nunaat programchefia) aaqqissuunneqarpoq. Paarisamiit aamma peqataasoqassaaq.

kaj kleist unicef inuiaqatigiit folk sikkerhed nuuk toqqissisimaneq

Atorfiit tamaasa takukkit

PODCASTI

Powered by Labrador CMS