Kalaallit aalisarnermik ingerlatseqatigiiffii arlallit 2025-mi aamma 2026-mi angusarissaarluarput. Suliffeqarfissuarniit Royal Greenlandimiit Polar Seafoodimut, aamma ingerlatseqatigiiffiit minnerumaat soorlu Sikuaq Trawl, Arctic Prime Fisheries, aatsaat taama aningaasarsiorluartigaat.
Ingerlatseqatigiiffiit annertuumik aningaasarsiorput, pingaartumik saarulliit, qalerallit, avaleraasartuut raajallu akitigut qaffasinnerat pissutigalugit. 2025-mut naatsorsuutini tamanut saqqummiunneqarnikuni takuneqarsinnaapput.
Kalaallit aalisarnermik ingerlatseqatigiiffii arlallit 2025-mi aamma 2026-mi angusarissaarluarput. Suliffeqarfissuarniit Royal Greenlandimiit Polar Seafoodimut, aamma ingerlatseqatigiiffiit minnerumaat soorlu Sikuaq Trawl, Arctic Prime Fisheries, aatsaat taama aningaasarsiorluartigaat.
Ingerlatseqatigiiffiit annertuumik aningaasarsiorput, pingaartumik saarulliit, qalerallit, avaleraasartuut raajallu akitigut qaffasinnerat pissutigalugit. 2025-mut naatsorsuutini tamanut saqqummiunneqarnikuni takuneqarsinnaapput.
Naalakkersuisut aalisarnermik inuussutissarsiutillit nutaat qinnuteqarsinnaalersillugit, Kitaani Tunumilu avataasiorluni qaleralittassiissutinik saarullittassiissutinillu nutaanik marlunnik pisasseeqqinnerisa kingunerannik, pisassat pilerngunneqalerput.
Qinnuteqarfissamut killigitaq tallimanngornermi juulip 24-anni nalunaaqutaq 23.59 pivoq, qinnuteqarsimasullu qulit pisassiissutinut marlunnut agguataarsimapput. Sermitsiap Aalisarnermut, Piniarnermut Nunalerinermullu Naalakkersuisoqarfimmut allagaatinik takunnissinnaaneq aqqutigalugu paasissutissat pissarsiarisaani atuarneqarsinnaavoq.
Pisassiissutinik neqeroortitsinermi 2-mi Kitaani qalerallit 2.470 tonsit Tunumilu saarulliit 5.000 tonsit pineqarput. Piginnittuusut ilaat, tassa ingerlatseqatigiiffiit pisassiissutinik neqerooruteqartut, avataasiorluni aalisarnermik suliaqarsinnaapput. Piginnittut siammarterneqarnissaat qulakkeerniarlugu piginnittut nutaat aamma/imaluunniit soraarnerussutisiaqarnissamut aningaasaateqarfik ilanngunneqassasut, neqeroortitsinermi paasissutissani allassimavoq.
Qeqertalik Seafood
Aasiaat Trawl-ip immikkuullarissutaa tassaavoq ingerlatseqatigiiffik assigiinngitsorpassuarnik piginneqataaffigineqarmat, tassalu ingerlatseqatigiiffiit sisamat namminersortullu 140-t missaanniittut. Piginneqataasullu tamarmik avannaani inuiaqatigiinnut nalitusaanissamik kissaateqarput. Polarimi pisortaanerup Bent Friis-Sallingip oqaatigaa.
Assi: Leiff Josefsen
Qeqertalik Seafood pisassiissutinut 2-nut qinnuteqartut aapparaat.
Polar Seafoodip Naalakkersuisullu Aasianni tunisassiorfimmut ataavartumik aaqqiissutissamik sivisuumik attanneqarsinnaasumik nassaarniarnissaq piffissami sivisuumi sulissutigaat, Polar Seafoodip pisortaanera Bent Friis-Salling oqarpoq.
Ingerlatseqatigiiffik naapertorlugu aaqqiissut tamanna pisassiissutit pillugit neqeroorutinut marlunnut Naalakkersuisut juunimi saqqummiussaannut attuumassuteqarluinnarpoq.
– Taamaattumik aalisarnermik inuussutissarsiutillit ingerlalluartut allat peqatigalugit umiarsuaatileqatigiiffimmik nutaamik pilersitsilluta Qeqertalik Seafood A/S-imik atserparput. Umiarsuaatileqatigiiffimmik assigiinngitsorpassuarnik piginneqataasoqarpoq, ilaatigut SISA Pension, Nukki Trawl A/S, Sigguk A/S, Imartuneq Trawl A/S inuillu ataasiakkaat arlallit, Polar Seafoodimi pisortaaneq Bent Salling oqarpoq.
Miki Jonas Brøns, Knud Palle Brøns, Nauja Erna Brøns, Bent Friis-Salling aamma Laila Friis-Salling kiisalu inuilllu ataasiakkaat allat piginneqataasut ilagaat.
Bent Friis-Salling aamma Miki Jonas Brøns, Polar Seafood Greenlandimi pisortaanerit, Qeqertalik Seafoodimi pisortaapput.
Polar: Aaqqiissutissaq siammasissumik tunngavilik
Aaqqiissutissamik piviusorsiortumik piffissami sivitsortumi aatsaavissuaq nassaartoqarpoq: Pisassiissutit nutaat Aasiannullu tulaassuisussaatitaaneq, aamma umiarsuaatileqatigiiffik nutaaq Aasianneersoq amerlasuunik piginnittoqartoq kiisalu suliffeqarfissuarmi sulisoqarniarnikkut pitsaanerpaamik aaqqiineq, Bent Friis-Salling isumaqarpoq.
– Naalakkersuisut aaqqiissutissutissatsialaasorigunikku pisassiissutit 2-t tamakkerlugit Qeqertalik Seafood A/S-mut tunniussinnaassagaat neriuutigaarput, taamaalisoqassappammi ukioq kaajallallugu tunisassiortoqarsinnaanissaa qulakkeerneqassaaq. Taamaanngippat umiarsuaatileqatigiiffimmi nutaami aningaasaqarniarneq nammanneqarsinnaassanngilaq. Kilisaatit atorneqanngitsut akisusarput, taanna erseqqissaavoq.
Qeqertalik Seafood Polar Seafood Greenland A/S-imi, Nuummi Imaneq 24-mi Postboks 1616-imiittumi, adresseqartutut nalunaarsorneqaqqavoq. Qeqertalik Seafood, aktiatigut 500.000 koruuninik nalilinnik aningaasaliiffigineqarpoq, pisassiissutinut marlunnut qinnuteqarnissamut juulip 21-ani killiussamut ullut pingasut sioqqullugit pilersinneqarpoq.
Aasiaat Trawl
Pisassiissutinut 2-nut qiinnuteqartup aappaa tassaavoq umiarsuaatileqatigiiffik Aasiaat Trawl. Taanna juulip 17-ianni pilersinneqarpoq, Royal Greenlandillu qullersaqarfiani Qasapimi, Postboks 1073-imi Nuummiittumi, adresseqartutut nalunaarsorneqarsimavoq. Aktiatigut 10 million koruuninik aningaasaliiffigineqarpoq. Royal Greenlandimi pisortaq Andrias Lawa Olsen pisortaavoq.
Aasiaat Trawl sisamanik piginneqataaffigineqarpoq, tassa Royal Greenland A/S-imik, Ice Trawl Greenland A/S-imik, Inughuit Seafood A/S-imik aamma Arctic Fish Greenland A/S-imik.
– Aasiaat Trawl-ip immikkuullarissutaa tassaavoq ingerlatseqatigiiffik assigiinngitsorpassuarnik piginneqataaffigineqarmat, tassalu ingerlatseqatigiiffiit sisamat namminersortullu 140-t missaanniittut piginneqataallutik. Piginneqataasullu tamarmik avannaani inuiaqatigiinnut nalitusaanissamik kissaateqarput.
– Royal Greenlandimi ingerlatseqatigiiffimmut piginneqataasut ilagaatigut. Namminersorlutik Oqartussanit pigineqartutut nunatsinni qanoq pitsaanerpaamik suliniuteqarsinnaanerluta qanorlu naleqartitsinerulersinnaanissap misissortuarnissaa akisussaaffigaarput. Taamaattumik suliniutinut inuiaqatigiinnut iluaqutaasunik ineriartortitseqataasinnaasunut naleqarnerulersitsisinnaasunullu peqataanissarput pissusissamisoorpoq. Tamanna periarfissatut isigaarput, soorunami misilittakkatsigut piginnaasatigullu tapersiilluta, pisortaaneq Toke Binzer Sermitsiamut oqarpoq.
Naalakkersuisut aalisarnermik ingerlatsilerlaanut, pisassiissutinut marlunnut qinnuteqarusuttunut aalajangersimasunik piumasaqaateqarput:
Kalaallit umiarsuaataannik attartornissaq anguniarlugu 31. december 2026 sioqqullugu kalaallit umiarsuaat attartorneqareersimassaaq.
Pisassiissutit 2026-mi tamakkerneqarnissaannut, aalisarnissamut pilersaarut ilanngunneqassaaq.
Qalerallit tunitsivigineqartartut 25 procentii, tassa 2026-mi 628 tonsit, Aasianni tunineqartassapput.
Aasianni aalisakkanik tunisassiornermi ukiumut sulisut amerlanerpaat sulisinneqarnissaat qulakkeerniarlugu pilersaarusiortoqassaaq.
Aalisarsinnaanermut akuersissutinik qinnuteqaat, angallammut paasissutissanik ilalik, nassiunneqassaaq.
Ingerlatseqatigiiffiit arfineq-pingasut pisassiissutinut 1-mut qinnuteqarput
Ingerlatseqatigiiffiit arfineq-pingasut Kitaani qaleralittassat 2.470 tonsit, saarullittassat 1.950 tonsit aamma nataarnartassat 170 tonsit pillugit pisassiissutinut 1-mut qinnuteqarsimapput.
Ingerlatseqatigiiffiit tassaapput Longline Fisheries ApS, Avalleq ApS, Halibut Greenland ApS, Inua Fisheries Greenland ApS, Isortaq Trawl, SiKu Trawl ApS, Alisa Trawl ApS aamma H/K I/S.
Pisassiissutinut taakkununnga qinnuteqarsinnaasut aalisarnermik inuussutissarsiummik maanna ingerlassisuunaatik aalisariutaassapput nutaarluinnaat, 2024-mili sinerissap qanittuani raajarniarnikut aamma qinnuteqarsinnaallutik.
Naalakkersuisut qalerallit tulaanneqartussaatitaasut 25 procentii nunami tunitsivinnut tunineqassasut naatsorsuutigaat. Kisianni tunitsiviit illoqarfiillu arlaajussanersut piumasaqaatigineqarani. Taamaattumik pisassiissutinik ajugaasut sumut tulaasserusunnerlutik namminneerlutik aalajangersinnaassallugu.
