Issittoq
„silaannaap allanngoriartornerata qitiuffigisaanik“ taaneqartarpoq,
taamaammallu ilisimatuut uumassusililerisullu silap kissatsikkiartornerata
pinngortitamut uumasunullu sunniutai qanimut misissorpaat.
Inuilli ulluinnarni
allanngorfiusumiittartut silap pissusiata allanngornera qanoq isumaqarfigaat?
Issittoq
„silaannaap allanngoriartornerata qitiuffigisaanik“ taaneqartarpoq,
taamaammallu ilisimatuut uumassusililerisullu silap kissatsikkiartornerata
pinngortitamut uumasunullu sunniutai qanimut misissorpaat.
Inuilli ulluinnarni
allanngorfiusumiittartut silap pissusiata allanngornera qanoq isumaqarfigaat?
"Takunnittunit
oqaluttuat" taamaattut qaqutikkut tusarneqartarput. Nalunaarusiamili
nutaami „2025-mi saarullinniarneq pillugu nalunaarusiaq“-mik qulequtalimmi,
Aalisarnermut Naalakkersuisoqarfiup inuussutissarsiuteqartut suleqatigalugit
suliarisaani, tamakku ilanngunneqarput.
Sinerissap
qanittuani aalisartut saarulleqassuseq qanoq sunnerneqartiginersoq ilaatigut
aperineqarput: Tassani silap pissusia apersorneqarsimasut 35 procentiisa
akissutigaat. „Arferit“ tullertut taaneqarput. „Aalisarnermi atortut annaasat“
pingajuattut taaneqarput.
-
Silap pissusia akissuteqartunit amerlanernit taaneqarpoq aamma akissuteqartunit tamanit
akissutit pingajorarterutaannit sinneqarlutik. Tamatuma tikkuuppaa, aalisartut isumaqartut
saarulleqassutsip ineriartorneranut silap pissusiata allannguuteqarnera sunniuteqangaartitsisutut
misigisimagaat, Naalakkersuisoqarfik akissutinik naliliinermini allappoq.
Aamma
aalisakkat ukiup ataatsip matuma siorna qanoq angitigisimanersut
apeqqutigineqarpoq: Aalisakkat ukioq ataaseq matuma siornatulli angitigisut
akissuteqartut 190-it (59 procentit) isumaqarput. Aalisakkat anginerusut 26
procentit isumaqarput, aalisakkallu minnerusut 15 procentit isumaqarput.
Sikup
ineriartornera
Saarullinniarnermut
tunngatillugu hundredelippassuit akissuteqarsimapput; naluneqanngitsutut
saarulliit Kalaallit Nunaanni aalisakkat nalinginnaanerpaat ilagaat, taakkulu
niuerniutigalugit namminerlu inuussutissarsiutigalugit aalisarneqartarput.
Nalunaarusiaq
taama ittoq siullermeerluni suliarineqarpoq, sinerissami saarullinniarnerlu
pillugu ilisimasat uumassusililerisut paasissutissaannut ilassutitut
ilanngunneqarput, naalakkersuisoqarfik ilisimatitsivoq.
Aamma
sermip qanoq innera misissorneqarpoq. Aalisartut ukiup ataatsip matuma siorna
ukiullu tallimat matuma siorna sanilliullugu sikup qanoq allanngorsimanerannik
misigisimanersut paasiniarneqarpoq: ukiup ataatsip matuma siorna sikoqarnerusoq
30 procentit isumaqarput. Siku allanngorsimanngitsoq 37 procentit isumaqarput,
ukiullu ataatsip matuma siorna sikukinnerusoq 33 procentillu isumaqarput.
Taamatuttaaq
ukiut tallimat matuma siorna qanoq innersoq aalisartut aperineqarput,
akissutaalu assigiingajalluinnarput — procentialuinnarnik nikingapput.
-
Tamatuma tikkuuppaa aalisartut tamatigut maluginiaasut sikup pissusaa
aalaakkaasuusoq, annikitsuaqqamillu
isumaqartoqarluni siusinnerusukkut sikoqarnerulaartoq, nalunaarusiami inerniliunneqarpoq.
Naalakkersuisut
naapertorlugit ukiumoortumik apersuilluni misissuisoqartassaaq.
-
Ingerlaavartumik paasissutissanik katersinikkut sinerissap qanittuani
aalisarnermit paasisat sukumiinerusut arlaqarnerusullu ilisimaarineqalissasut naatsorsuutigineqarpoq,
Naalakkersuisoqarfik allappoq.
Nalunaarusiaq
Namminersorlutik Oqartussat nittartagaanni atuarneqarsinnaavoq.
