Nunarsuaq tamakkerlugu atortussiassarsiortoqangaatsiarpoq.
Tamanna Torontomi aatsitassarsiorneq pillugu ataatsimeersuarnerit nunarsuarmi annersarsuarmi PDAC-imi malugineqarsinnaavoq, tassanilu Naalakkersuisut inuussutissarsiornermut, aatsitassanut, nukissiuuteqarnermut, inatsisinik atuutsitsinermut naligiissitaanermullu naalakkersuisumit Naaja H. Nathanielsenimit (IA) aamma pinngortitamut avatangiisinullu naalakkersuisumit Peter Borgimit (D) ukioq manna peqataatitaqarput.
Nunarsuaq tamakkerlugu atortussiassarsiortoqangaatsiarpoq.
Tamanna Torontomi aatsitassarsiorneq pillugu ataatsimeersuarnerit nunarsuarmi annersarsuarmi PDAC-imi malugineqarsinnaavoq, tassanilu Naalakkersuisut inuussutissarsiornermut, aatsitassanut, nukissiuuteqarnermut, inatsisinik atuutsitsinermut naligiissitaanermullu naalakkersuisumit Naaja H. Nathanielsenimit (IA) aamma pinngortitamut avatangiisinullu naalakkersuisumit Peter Borgimit (D) ukioq manna peqataatitaqarput.
– Suliaqarfimmi maanna pisoqangaarami uippallernangajassinnaavoq. Nunarsuaq tamakkerlugu atortussiassarsiorneq nunat politikkikkut pissutsit tunuliaqutaralugit ingerlavoq. Tamanna sakkortuvoq kingullermillu maaniinninnut sanilliullugu allaanerulluinnarluni, Naaja H. Nathanielsen, ataatsimeersuarnermi suliffeqarfinnik, inuussutissarsiornermi siuttunik ministerinillu arlaleriarluni ataatsimeeqateqartarsimasoq, oqarpoq.
Ataasiussuseqarneq
Naalakkersuisoqarfinni taakkunani marlunni politikkikkut siuttut ataatsimeersuarnermi peqataanerat nutaajuvoq, naalakkersuisooqatigiilli avatangiisinik illersuinerup Kalaallit Nunaanni aatsitassanut inatsisinut qitiusumik naleqqiullugillu ilaanissaanik isumaqatigiissuteqarmata pissusissamisuuginnarpoq.
Naaja H. Nathanielsen naapertorlugu avatangiisinut naalakkersuisoq najuukkaangat avatangiisinullu pissutsit ingerlatseqatigiiffinnut saqqummiukkaangagit allatut pingaaruteqartarpoq.
– Tamanna silatusaarneruvoq, qanimullu suleqatigiinnerput ataatsimoornitsinnillu ersersitsisinnaanerput nuannaarutigaara.
Aatsitassanut Naalakkersuisoq Naaja H. Nathanielsen (IA) PDAC-imi ataatsimeersuarnermut aappassaanik peqataavoq. – Ataatsimeersuarneq pissanganartorujussuuvoq. Atortussiassarsiorneq aallartittoq malugineqarsinnaavoq. Peter Borg taassumalu pinngortitamut avatangiisinullu tunngasunik suliaqartui ukioq manna aamma peqataammata nuannaarutigeqaara.
Assi: Trine Juncher Jørgensen
Suliaqarfik pillugu paasisaqarneruneq
Peter Borgip inuussutissarsiortut aallaqqaasiutigalugu ataatsimeeqatiginerisa Greenland Day-illu saniatigut ilaatigut Kalaallit Nunaanni akuersissuteqartut arlaleriarluni ataatsimeeqatigai.
– Akuersissutaatilinnut aammali aatsitassarsiornermi suliaqartunut allanut toqqaannartumik attaveqarsinnaalerlungalu oqaloqateqarsinnaanera uannut iluaqutaasimavoq. Tamanna pingaaruteqarpoq. Immitsinnut paasinerusarnissaq pisariaqartinneqarpoq. Politikerit, inuussutissarsiortut suliffeqarfiillu Kalaallit Nunaanni ingerlatsiumasut aatsitassarsiorniartullu tamatumunnga ilaapput, Peter Borg oqarpoq, taannattaarlu ukiuni aggersuni aamma pinngortitamut avatangiisinullu naalakkersuisup Canadami aatsitassat pillugit ataatsimeersuarnermut peqataasarnissaa pingaarnerutinneqartariaqartoq isumaqarpoq.
Ataatsimeersuarneq assigiinngitsorpassuarnik sammisaqarfiusoq
Canadammi PDAC-mi ataatsimeersuarneq siulleq ukiut 90-it matuma siorna ingerlanneqarpoq. Aatsitassarsiorneq, piiaaffiliorneq suliniutinut aningaasalersuinerlu samminerujunnaarlugit ullumikkut inuiaqatigiit ineriartornerat, ilinniartitaaneq avatangiisillu politikkimut teknologiilu nutaaq allarpassuillu sammineqartalersimammata ataatsimeersuarneq ukiut ingerlaneranni ineriartorsimavoq.
Innuttaasut Kalaallit Nunaanni aatsitassarsiorneq pillugu qanoq oqaaseqartarnerisa eqqaamajuarnissaa Peter Borgip pingaartippaa.
– Aatsitassarsiorneq aatsitassallu eqqartorneqaraangata nunaqavissut pinngortitatta, uumassusillit, imartatta kiisalu piniarnissamut aalisarnissamullu periarfissatta eriagineqarnissaat pingaarnertut oqariartuutigisarpaat. Aammattaaq inuiaqatigiinni isumaginninnikkut atugassarititaasut eqqarsaatigineqartariaqarput. Taamaammat pinngortitap avatangiisillu politikkikkut pingaartinnerulernissaat aamma pissusissamisoorpoq, Peter Borg oqarpoq.
Peter Borgip PDAC-imi ataatsimeersuarnermi Greenland Day-mi oqalugiaatini kalaallisut isiginnittaaseq aallaavigalugu pinngortitap, avatangiisit inuillu imminnut ataqatigiinnerat tunngavigalugu saqqummiuppaa. Oqalugiaat tusarnaartunit tigulluarneqarpoq.
Assi: Trine Juncher Jørgensen
Aatsitassarsiornermi ajornartorsiut
Peter Borgip inuiaqatigiit ineriartornerat pinngortitamillu mianerinninnerat imminnut akerleriinnanngitsut, imminulli pisariaqartittut Kalaallit Nunaat pillugu saqqummiinermi peqataasunut oqalugiarnermini Sermitsiamullu oqaaseqarnermini erseqqissarpaa.
– Pinngortitami inuuvugut – sanianiunngitsoq, nalunngilarpullu pinngortitaq piginagu. Atortussiassarsiornerup siunissaq ungasinnerusoq eqqarsaatigalugu inuiaqatigiinnut nukittorsaataanissaa qulakkeertariaqarparput, tamatumalu saniatigut kinguaariit nunami najukkatsitut ittumi angalasinnaanissaat qulakkeertariaqarparput. Aatsitassarsiorneq avatangiisinut sunniuteqartarpoq. Inuussutissarsiortulli suleqatigalugit pisuussutitta ilaat inuiaqatigiit ineriartornissaannut atorniarlugit qanoq ililluta sapinngisamik annikinnerpaamik sunniuteqarsinnaanerluta paasisariaqarparput. Tamanna oqimaaqatigiissumik anguniagarissavarput, Peter Borg oqarpoq.
Canadamik suleqateqarneq
Kalaallit aallartitaasa Canadami suleqatigiinneq ukioq manna immikkut sammivaat.
– Canadamiut aatsitassarsiornermik suliaqartut naalakkersuisullu Kalaallit Nunaanni aatsitassanik ineriartortitsinissaq pillugu suleqatigiinnerunissamik pingaartitsinerulerput. Tamanna ilassilluarparput. Tamanna uagut aatsitassarsiorfitta immaqa sukkanerusumik pitsaanerusumillu ineriartortinneqarsinnaanerannik isumaqarpoq, Peter Borg oqarpoq.
Canadap Kalaallit Nunaannik suleqateqarnerunissamik maanna suliniuteqarnera Naaja H. Nathanielsenip nuannaarutigaa.
– Canada pillugu sivisuumik alapernaattarpugut, naalakkersuisuusarsimasullu aalisarnerup, ilisimatusarnerup, sulisunik paarlaasseqatigiittarnerup, niuernikkut isumaqatigiissutit, timmisartukkut angallannerit il.il. tungaatigut suleqatigiinneq ukiuni arlalinni sulissutigisimavaat. Canada nunarsuarmi politikkikkut pissutsit allalluunniit pissutigalugit maanna uagutsinnik suleqateqarnerulernissamut piumassuseqalernersoq oqaatigisinnaanngilara.
– Suliaqarfimmi maanna pisoqangaarami uippallernangajassinnaavoq. Nunarsuaq tamakkerlugu atortussiassarsiorneq nunat politikkikkut pissutsit tunuliaqutaralugit ingerlavoq. Tamanna sakkortuvoq kingullermillu maaniinninnut sanilliullugu allaanerulluinnarluni, Naaja H. Nathanielsen, ataatsimeersuarnermi suliffeqarfinnik, inuussutissarsiornermi siuttunik ministerinillu arlaleriarluni ataatsimeeqateqartarsimasoq, oqarpoq.
Assi: Trine Juncher Jørgensen
Arlalinnik isumaqatigiissusiortoqarniartoq
Isumaqatigiissusiortoqarumaartoq taamaallaat atsioqatigiittoqaraluartoq tamanna sammivimmut eqqortumut alloriarneruvoq. Suliaqarfinnilu assigiinngitsuni arlalinnik isumaqatigiissusiortoqarniartoq Naaja H. Nathanielsen, Canadap nunarsuarmi aatsitassarsiornermi siuttunngorneranik isiginnittoq, oqarpoq.
– Canada aatsitassarsiornermik ingerlatsivinnik suleqateqarnissamut tunngatillugu anguniagaqarluarlunilu pimoorussivoq. Maannakkut isumaqatigiissutit 50-it sinnerlugit naammassivaat, kingullertut Greenland Resourcesip Malmbjergimi suliniutaa ilannguppaa, tamannalu nuannaarutigeqaarput, tassami Kalaallit Nunaanni toqqaannanngitsumik aningaasaliineruvoq, tamannalu ukiuni arlalinni sulissutigisimavarput. Aatsitassarsiornermi suliniutit aallartinneranni nalorninartorsiorsinnaanerusariaqarlunilu tapersersuisoqartariaqarpoq, Kalaallillu Nunaanni ingerlatseqatigiiffiit amerlanerusut Canadamit tapiiffigineqarsinnaassasut soorunami neriuutigaarput, Naaja H. Nathanielsen oqarpoq, taassumalu nunat allat kiisalu EU-Kommissioni ajunngitsunik siunertaqarnermiit iliuuseqarnikkut siumukarnissamut Canadamit isumassarsisinneqarumaartut aamma neriuutigaa.
