KL

DK

AALLARNISAASUT IMMAMI MISIGISASSARSIORTITSINISSANIK NERIUUTEQARTUT 

Angallat takornariartaat assartuutaasorlu nutaaq suliassarpassuaqartoq

Nukariit Minik Dahl Høegh aamma Nikki Høegh, Qaqortumi suliffeqarfimmik 'Arctic Drops'-imik pilersitsisut, angallammut sisammut anginerusumut aningaasaliisimapput. Aallartinnerminnit suliassaqarluarsimapput. 

- Angallat atorlugu ilaatigut savaateqarfinnut savanut nerukkaatissanik, suliffeqarfinnullu allanut sanaartornermut atortussanik aamma Kujataani illoqarfinnut nunaqarfinnullu allanut suliffeqarfitsinnik Santekimiittunik assartuinernut atorneqartarpoq, Minik Dahl Høegh (talerperleq) qatanngutinilu Nikki Høegh oqaluttuarput.
Bent Højgaard Sørensen Freelance tusagassiortoq
Saqqummersinneqarpoq

Angallat sisak 39 fodsinik takissusilik, ilaatigut sanaartornermut atortussanik takornarianillu Kujataani assartuisartussaq, atorlugu ingerlatseqatigiiffik Arctic Drops ApS aallartilluarpoq.  


Angallat sisak 39 fodsinik takissusilik, ilaatigut sanaartornermut atortussanik takornarianillu Kujataani assartuisartussaq, atorlugu ingerlatseqatigiiffik Arctic Drops ApS aallartilluarpoq.  

Nukariit Minik Dahl Høegh aamma Nikki Høegh, Qaqortumi suliffeqarfimmik Arctic Dropsimik pilersitsisut, angallammut sisammut anginerusumut aningaasaliisimapput.


Qaqortumi suliffeqarfimmik piginnittut, aallarnisaasut Minik Dahl Høeghip aamma Nikki Høeghip, tamanna uppernarsarsinnaavaat.

Angallatitaaminnummi pisaareqqaakkaminnut suliassaqarniarnerat ilimagisamit pitsaanerujussuuvoq.

- Pissanganartorujussuuvoq. Angallatitaarput Qaqortumut ukioq manna apriilimi tikippoq maajimilu angallassilluta aallartilluta, ulapputissaqarluarpugut.  

- Suliffeqarfinnut assigiinngitsunut ikiortarialinnut suliassaqarluarpugut, Arctic Dropsimi pisortaq Minik Dahl Høegh Sermitsiamut oqarpoq.

Angallammut Qaqortumi angerlarsimaffeqartumut Minik Dahl Høeghip nukaa, Nikki Høegh naalagaavoq. Angallat nassiussanik 3 tonsit missaanniitunik usisinnaavoq ilaasunillu aqqaneq-marlunnik angallassisinnaalluni.   

Imaatigut angallassisarnissaminnik neriuuteqartut

Arctic Dropsip angallammut 39 fodsimut aningaasaliinerata siunertaraa ilaatigut sanaartornermut atortussanik suliffeqarfinnillu kiffartuussinernik, aammattaarli Kujataani takornarianik angallassinernik, assartuisarnerup annertusarnissaa.

Nikki Høegh angallammi 3 tonsinik usisinaasumi aqqaneq-marlunnillu ilaasoqarsinnaasumi, naalagaavoq.

Arctic Dropsip angallatip pisiarinerani qanoq aningaasaliisimanera pisortap oqaatigerusunngilaa.

 - Tamakku tamarmik aallartipput nukkama Nikkip, ruujorilerisutut ilinniarsimasup, uangalu suliffeqarfimmik Høegh VVS-imik (2020-mi aaqq.) pilersitsigatta.

- Suliffeqarfik ineriartortinneqarluni ruujorilerinermik, qarmaanermik sanaartornermilu ingerlataqalersoq Santek-imik taaguuserneqarpoq, qulit 15-illu akornanni sulisoqartoq, Minik Dahl Høegh oqaluttuarpoq.

Santek nukariinnit Høeghikkunnit Benjamin Lønstrupimillu pigineqarpoq.

Minik Dahl Høeghip Nikki Høeghillu Arctic Drops atorlugu angallallu sisak pisiarigamikku imaatigut inuussutissarsiummik ingerlatsisinnaanissartik maanna neriuutigaat.

 

Minik Dahl Høegh Arctic Dropsimi pisortaavoq.



Savaatilinnut nerukkaatissanik assartuisartut

- Angallaterput atorlugu ilaatigut savaateqarfinnut nerukkaatissanik, suliffeqarfinnullu allanut sanaartornermut atortussanik aamma suliffeqarfitsinnut Santek-imut Kujataani illoqarfinnut nunaqarfinnullu allanut assartuisarpugut, Minik Dahl Høegh oqarpoq.

Arctic Dropsip taamaalilluni piffissap sivikitsup ingerlanerani Kujataani savaatilinnut, inuussutissarsiortunut nunaqarfinnullu aalajangersimasunut assartuisartunngorpoq.

- Kujataani takornarianik angallassinissamut periarfissarpassuaqartoq takusinnaavarput. Taamaattumik anaanaga takornarianik misigisassarsiorniartunik angallassisariaqaleraangat, juunimiit septembarip naaneranut angallassisarpugut.

- Aammattaaq Kujataani assersuutigalugu aatsitassarsiorfiit suliffeqarfiillu allat assartugassaannik assartuinissaq pisariaqartinneqartorujussuuvoq, Minik Dahl Høegh oqaluttuarpoq.

Minik Dahl Høeghip Nikki Høeghillu arnaata, Pitsi Høeghip, Qaqortumi takornarialerinermik ingerlatsivik Greenland Sagalands ulluinnarni aqutsisuuffigaa, pisortaaffigalugulu piginneqataaffigalugulu.  

 

- Kujataani takornarianik angallassinissamut periarfissarpassuaqartoq takusinnaavarput. Taamaattumik anaanaga takornarianik juunimiit septembarip naaneranut angalatitsisarnissaminik pisariaqartitsileraangat, taamaaliortarpugut, Minik Dahl Høegh oqarpoq, matumani arnani Pitsi Høegh (qiterleq) nukkanilu Nikki Høegh (tunorleq) ilagivai. Pitsi Høegh Qaqortumi takornarianik ingerlatsivimmi Greenland Sagalandsimi ulluinnarni aqutsisuuvoq, pisortaallunilu piginneqataalluni.

Ernini marluk peqatigalugit Pitsi Høeghip akunnittarfimmik nutaamik 100-nik ineeralimmik sanaartornermut aningaasaliissuteqarnissaq kissaatigaa, pilersaarutaa malillugu 2030-mi naammassereersimasussamik. Suliniut titartarneqareerpoq, sulili aallartinneqarani. Akunnittarfik Qaqortup illoqarfiata Qaqortullu mittarfiata akornanni inissimassaaq.

Suliffeqarfik Høegh VVS ukioq manna siusinnerusukkut Arctic Dropsimik taaguuteqalerpoq.

Nikki Høegh aamma Minik Dahl Høegh Arctic Dropsimut kaaviiaartitatut anguniagissamik suli aalajangiussaqanngillat. 

Minik Dahl Høegh Sverigemi assammik arsartartut peqatigiiffianni Amo Håndbold-imi maajip aallaqqaataannit pisortanngussaaq. Ukiorpassuarni assammik arsartartutut iluatsilluartumik unammisartooreerluni, klubinilu assigiinngitsuni arsaqataasareerluni ukioq manna arsartartutut taamaatippoq.

Piffissalli ingerlanerani angallatit amerlanerusut pisariaqartinneqalerpata, Minik Dahl Høeghip angallammik allamik angallatissarsiorsinnaanissaq mattutinngilaa.

Inuppassuit nalugunanngilaat Amo Håndboldimi Sverigemiittumi maajip aallaqqaataani pisortanngortussaammat.

Taamaalilluni Minik Dahl Høegh klubbimiiginnassaaq. Ukiorpassuarni assammik arsartartutut iluatsilluartumik unammisartooreerluni assammik arsartarunnaareerpoq.

 

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

qaqortoq minik dahl høegh placed kujataa inuussutissarsiutit nikki høegh arctic drops

Atorfiit tamaasa takukkit

PODCASTI

Powered by Labrador CMS