KL

DK

Arctic Import periarfissarpassuaqartoq

Niuernermi suliffeqarfik Amerikamiunik suleqateqarnermik misilittagaqarluarlunilu Amerikamiut illersornissaqarfiata amerlanerusunik isumaqatigiissuteqarfiginissaanut kajumissuseqarpoq.

Arctic Import Kalaallit Nunaannut, Savalimmiunut Islandimullu inuussutissanik atuisartunut nioqqutinik, pinnguartarfinnik, imigassanik aalakoornartulinnik, pequtinik il.il. ukiuni 45-ni niuertarsimavoq. Suliffeqarfiup oqimaaqatigiissaariniarneq Ukiut arfinillit matuma siorna ajornartorsiutigaa. Nunatsinni pisiniarfiutitik millionilikkaanik annaasaqarfigaat. Suliffeqarfik ullumikkut allaanerulluinnartumik inissisimavoq. Aalborg Ø, juulip sisamaat 2023.
Jesper Hansen Jesper Hansen Freelance tusagassiortoq
Saqqummersinneqarpoq

Arctic Importip sakkutooqarnermik isumaqatigiissut nutaaq isumalluarfigingaarpaa. Suliffeqarfik Pituffimmi sakkutooqarfimmi Amerikamiunut pilersuisareerlunilu maanna assingusunik allanik isumaqatigiissuteqarumaarluni neriuuteqarpoq.

- Qaammatini kingullerni arlalinni suleqatikkalu Kalaallit Nunaata, Danmarkip USA-llu akornanni pissutsit ineriartornerat malinnaaffigeqqissaarsimavarput. Pissutsit ilungersunartut nalorninartorsiortitsisorujussuupput, Arctic Importimi pisortaaneq Thomas Hjort oqarpoq.

Arctic Importip sakkutooqarnermik isumaqatigiissut nutaaq isumalluarfigingaarpaa. Suliffeqarfik Pituffimmi sakkutooqarfimmi Amerikamiunut pilersuisareerlunilu maanna assingusunik allanik isumaqatigiissuteqarumaarluni neriuuteqarpoq.

- Qaammatini kingullerni arlalinni suleqatikkalu Kalaallit Nunaata, Danmarkip USA-llu akornanni pissutsit ineriartornerat malinnaaffigeqqissaarsimavarput. Pissutsit ilungersunartut nalorninartorsiortitsisorujussuupput, Arctic Importimi pisortaaneq Thomas Hjort oqarpoq.

- Taamaammat maanna isumaqatigiissuteqartoqarmat nuannaarutigalugulu oqiliallaatigaara, tamatumalu eqqissisimanerulersitsissallunilu siunissamut isumalluarnerulersinissaa neriuutigisinnaavara.

Isumaqatigiissut pitsaasoq

Kalaallit suliffeqarfii amerlanertigut iluaqutineqassasut Amerikamiut sakkutooqarfimmut isumaqatigiissummi allassimagaat Thomas Hjortip maluginiarnerpaavaa.

- Isumannaallisaanermut illersornissamullu aningaasaliissutit aamma nunatsinni inuussutissarsiortunut iluaqutaanissaat pingaartumik nuannaarutigaara. Kalaallit Nunaannimi annertuumik aningaasaliisoqartillugu aningaasaliinerit aamma najukkami sammisassanik, suliffinnik periarfissanillu pilersitsinissaat pingaaruteqarpoq, pisortaq oqarpoq.

- Arctic Import niuertarfiuvoq Kalaallit Nunaanni sumi tamaaniittoq – Amerikamiullu Pituffimmi sakkutooqarfigisaanni ukiut arlallit pilersuisuuvugut.

- Tamanna Kalaallit Nunaata, Danmarkip USA-llu akornanni pissutsit allanngorartuarnerat akornutiginagu pitsaasumik ingerlasimavoq.

- Pituffimmi aqutsisut inuiaqatigiinnut tunniusimalluinnartut – aammali oqaatsiminnik eqqortitsisarlutillu niuernikkut attaveqarfigiuminartuusut – misigaagut. Isumaqatigiissutit eqqortinneqartarlutillu piffissaq eqqorlugu akiliisoqartarpoq.

Isumaqatigiissuteqarnerunissamik neriuuteqartoq

- Taamaammat Amerikamiut sakkutooqarfiinik nutaanik marlunnik Narsarsuarmi Tununnguamilu (Mestersvig, aaqq,) pilersitsisoqarpat peqataarusuppugut, Thomas Hjort oqarpoq.

- Isumaqatigiissut nutaaq nunatsinni inuussutissarsiortunut annertuumik akisussaaffiliillunilu periarfissaqalersitsivoq. Pilersuinissatsinnut piareersimallutalu kalaallit suliffeqarfii sunik pilersuisinnaanersut takutissavarput.

Præsident Trumpip atuutilerneraniilli eqqissiviilliornerit Amerikamiullu Kalaallit Nunaannik piginnittuunissamik piumasaqartuarnerisa siunissaq pillugu nalorninermik pilersitsisimanerat Thomas Hjortip isertuutinngilaa.

- Maanna qujanartumik isumaqatigiissuteqartoqarpoq, taamaalillunilu politikkikkut eqqissisimanerulertoqarnissaa ilimagineqarpoq. Kalaallit Nunaanni Danmarkimilu politikerit atorfilillu tatineqangaarlutik iliuuseqangaarsimanerannut nersualaarlugillu qujaffigerusuppakka.

- Danskit illersornissaqarfiat Amerikamiullu sakkutuui ukiorpassuarni suleqatigilluartarpagut. Piffissami kingullermi eqqissiviittoqartillugu aamma suleqatigiilluarpugut.

- Maanna siunissamut qiviarsinnaanngorpugut. Piginnaanittalu pitsaanerpaamik tapersersuiuarnissaanut piareersimavugut – Kalaallit Nunaanni silap pissusiata nunallu immikkoortuisa pissutigalugit assartuineq unammillernartuugajuttartoq eqqarsaatigalugu nioqqutissanik eqqortumik akinillu eqqortunik pissarsiniarluta piffissarlu eqqorlugu tunniussisarluta.

- Tamanna pikkoriffigaarput. Amerikamiut sianerpata piareersimassaagut, Thomas Hjort naqissusiivoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

sakkutooqarnermut isumaqatigiissut placed arctic import inuussutissarsiutit kalaallit nunaanni inuussutissarsiortut pituffik usa

Atorfiit tamaasa takukkit

PODCASTI

Powered by Labrador CMS