Avammut niuerneq 1 milliard koruuninik ukioq manna qaammatini arfineq-marlunni siullerni annertuseriartoq

Naatsorsueqqissaartarfiup avammut tunisat pillugit kisitsisit nutaat saqqummiuppai. Taakkua takutippaat aalisakkat pingaarnerit avammut tunisat nalingi januaarimiit juulimut 3,694 milliarder koruuniusut.

Tamanna siorna piffissamut tassunga sanilliullugu 1 milliard koruunit sinnilaarlugit, tassa 39,4 procentinik, qaffariarneruvoq.

Aalisakkat pingaarnerit tassaapput raajat, saarulliit, qalerallit, nipisaat saattussallu. Naatsorsueqqissaartarfiup erseqqissarpaa kisitsisit taakku suli ataavartuummata mianersuunneqartariaqartut.

Takussutissaq ataaniittoq atorlugu erserpoq saarulliit avammut tunisat suli annertunerpaajusut. Saarulliit avammut tunisat nalingi ataatsimut isigalugit 59,7 procentimik qaffariarput.

Naatsorsueqqissaartarfik naapertorlugu uumasut assigiinngitsut agguataarnerat ima isikkoqarpoq:

• Raajat
  Raajat januaarimiit-juulimut 2026-mi avammut tunisaanerisa nalingat 15,4 pct.-imik annertuseriarsimavoq, tamanna 180 mio. kr.-nik naleqarpoq. Avammut tunisat annertussusaat 0,9 pct.-imik annikilleriarsimasoq akillu 16,4 pct.-inik qaffallutik.

• Qalerallit
  Qalerallit avammut tunineqartut nalingat 40,9 pct.-imik annertuseriarsimavoq, tunineqartut annertussusaat 11,7 pct.-imik annertuseriarsimasoq. Taamaalilluni kiilumut akit 26,1 pct.-inik qaffassimapput.

• Saarulliit
  Saarulliit avammut tunineqartut nalingat 59,7 pct.-imik qaffariarpoq, tunineqartut annertussusaat 23,7 pct.-imik annertuseriarsimallutik. Saarulliit avammut tunineqartut kiilumut akia 29,1 pct.-imik qaffariarpoq.

• Saattuat
  Saattuat avammut tunineqartut nalingat 28,6 pct.-imik annertuseriarsimavoq, tunineqartut annertussusaat 1,6 pct.-inik apparpoq. Kiilumut akia 30,7 pct.-inik annertuseriarsimalluni.