Internetsimut attaveqaat arriissinnaasoq

Islandimut internetsimut attaviit kabeliinik suliaqartoqarnera nunatsinni internetsimut attaveqaatinik eqquivoq.

Internetsimut attaveqaatit arriissinnaasut, Tusassip nalunaarutigaa.

Assi: Leiff Josefsen

Masauna Peary Masauna Peary Journalist

Saqqummersinneqarpoq 15. Juuni 2026 - 14:49

Islandimi internetsimut kabelimik suliaqartoqarnera pissutigalugu nunatsinni internetsimut attaveqaatit arriissinnaasut Tusassip nittartakkamini ingerlatsinermut paasissutissiinerani atuarneqarsinnaavoq.

Suliap qaqugu naammassinissaa erseqqissumik suli oqaatigineqarsinnaanngikkallarpoq.

Islandimi internetsimut kabelimik suliaqartoqarnerani Tusass toqqaannartumik attaveqarsinnaanngilaq, taamaammat Islandermiut suliaqarlutik aatsaat naammassippata internetsimut attaveqaat tamakkiisumik ingerlalersinnaasoq, Maasi Brøns Chemnitz, Tusassimi attaveqaqatigiinnermut pisortaq nassuiaavoq.

Ussassaarut

Tusass aqagu marlunngornermi juunip 16-ni nalunaaqutaq ullaakkut arfineq pingasunut paasissutisseeqqikkumaarlutik nittartakkamini allappoq.