Qaqortumi mittarfissuup nutaap angisuullu pilersinneqarnerata kingorna, ilaasut, timmisartortartut, teknikerit tikeraallu allat unnuiffissaqarnissaat pisariaqarluinnarpoq. Pisariaqartitsineq suliffeqarfiup 60° North Greenlandip iliuuseqarfigerusukkamiuk suliniuteqarnissamut nunaminertamillu sanaartorfissamik qinnuteqaammik Kommune Kujallermut nassiussipput.
60° North Greenlandip mittarfissap nutaap eqqaani Pennaconimi sulisunut inissiat sulisullu ineqarfii pisiarai, kommunimilu kujataaniittumi aqutsisunut politikerinullu suliniut pillugu ima allappoq:
Qaqortumi mittarfissuup nutaap angisuullu pilersinneqarnerata kingorna, ilaasut, timmisartortartut, teknikerit tikeraallu allat unnuiffissaqarnissaat pisariaqarluinnarpoq. Pisariaqartitsineq suliffeqarfiup 60° North Greenlandip iliuuseqarfigerusukkamiuk suliniuteqarnissamut nunaminertamillu sanaartorfissamik qinnuteqaammik Kommune Kujallermut nassiussipput.
60° North Greenlandip mittarfissap nutaap eqqaani Pennaconimi sulisunut inissiat sulisullu ineqarfii pisiarai, kommunimilu kujataaniittumi aqutsisunut politikerinullu suliniut pillugu ima allappoq:
- Qaqortup mittarfiata apriilimi 2026-mi ammarnissaa sioqqullugu unnuisarfissatut aaqqiissut atulertorneqarsinnaasoq
- Timmisartup taamaatiinnarneqarnerani ilaasunut, inuttanut, teknikerinut allanullu sumiiffissaq isumannaatsoq, inatsisinut naapertuuttoq ingerlalluarsinnaasorlu
- Sanaartukkat immikkoortut tamaasa nutaanngortinnerisigut sanaartornerup aqunneqarluartup aningaasaqarnikkullu piviusorsiortuusup ineriartortinnissaa.
- Aaqqiissut kommunimut oqilisaataanerpaasoq oqartussaasunullu suliariuminarnerpaaq
- Aaqqiissutissaq piujuartitsisoq — nutaamik sanaartornani pioreersunik atorluarsinnaasunik allanngortiterillunilu atoqqiineq
Unnuisarfissaq mittarfiup aqqutaata sinaaniippoq.
Assi: 60° North Greenland
Suliaq nukinginnartuuvoq. 60° North Greenlandip nunaminertamik qinnuteqaataa aatsaat 2025-mi novembarimi kujataani kommunimut nassiunneqarpoq, kisiannili politikkikkut tamanut iluaqutaasussaq teknikkimut avatangiisinullu ataatsimiititaliamit, aningaasaqarnermut ataatsimiititaliamit kommunalbestyrelsimillu suliarineqareerpoq. Sumiiffillu pillugu kommunimut pilersaarummut tapiliussaqortoqassasoq ingerlatsivimmiit inassutigineqarpoq, ”tassa unnuisarfeqalernissaanut/hosteleqalernissaanut qaffassaanissamik qinnuteqaat kommunimut pilersaarummut tapiliussaq nutaaq tunngavigalugu suliarineqarsinnaassaaq”.
Sulisut ineqarfiat Penneconimit KJ-Greenlandimiillu, Greenland Airports Contruction sanatitsisoralugit mittarfiliortunit, atorneqarsimavoq. Mittarfik piareerpat sanaartorfik matuneqassasoq imaareerlugulu kommunimut utertinneqassasoq pilersaarutaavoq.
Suliniut marlunnik immikkoortulik
60° North Greenlandip suliniut nutaaq marlunnut avippaa:
Siullermik — maannakkut — innaallagissamut, imermut, imermut errortuutikumut, ikuallattoornissamut isumannaallisaanermut soorlu qimarnguffissanut/kalerrisaarutinut, pisuinnaat ikaartarfiinut naleqqussaanernullu minnerunut allanut pitsanngorsaasoqassaaq.
Taava immikkoortup aappaa aallartissaaq, tassani ineqarfik ukunani pitsanngoriaatitaqartumik unnuisarfinngortinneqassaaq:
Naatsorsuutinik takussutissiaq ineqarnermut, nerisarfeqarfimmut aamma ataatsimoorfiusumut.
Illustration: 60° North Greenland
- Sanaartukkat isumannaallisarneqassapput
- Oqorsaatit, qaliaq, saallu nutaat
- Kiffiaaneq nukissiutinullu pitsanngorsaatit
- Igalaanik/matunik taarsertarialinnik nutarsaaneq
- Illup iluata iluarsaannera
- Unnuisarfittut/hostelitut atorneqarnissaanut naleqqussaaneq
Sumiiffik
Ineqarfik mittarfiup aqqutaanit sangoriami pinngortitami alianaatsumi inissisimavoq. Tasersuit akornanni qaqqallu akornanni oqquiffiusumi. Tasersuit alutornartumik isikkivigineqartut suliniummut nassuiaammi allassimavoq. Kitaani Qaqortumut aqqusernup eqqaani qaqqami ammaneqarpoq, tamannalu unnukkut seqerngup tarrikkiartorneranik isikkiveqarnissanut periarfissaqarpoq. Aammali ukiukkut apingaatsiarsinnaanera maluginiarneqassaaq.
Suliffeqarfik suliniuteqarluartartoq
60° North Greenland ApS, suliniummik pissanganartumik aallarniisoq, suliffeqarfiuvoq ukiuni kingullerni arlalitsigut ineriartorsimasoq. Aatsitassarsiortitseqatigiiffinnik ikiuisarsimallunilu sanaartortitsinermi suliaqartarsimavoq. Taamatuttaaq inissianik akunnittarfinnik umiarsuarmillu akunnittarfimmik takornarianut neqeroorutigineqartartumik piginnittuuvoq.
Ineqarfiit ima pisatsersugaapput.
Assi takussutissiarlu: 60° North Greenland
60° North Greenland ApS-ip naatsorsuutaani kingullerni, Inuussutissarsiornermut Ingerlatsivinnullu Aqutsisoqarfimmit tunniunneqartuni, piginnittut Rasmus Christian Rasmussen aamma Malik Vahl Rasmussen ingerlatseqatigiiffimmik ingerlatsilluartut takuneqarsinnaavoq. Ukiumut angusat 2023-miit 1,8 mio. kr.-nit 2024-mi 9,3 mio. kr.-nut qaffassimapput. Namminerli aningaasaatit 23 mio. kr.-ngajaapput. 2024-mi agguaqatigiissillugu 28-nik sulisoqarsimavoq.
