Canadamiut
aatsitassarsioqatigiiffiat Greenland Resources tyskit
suliffeqarfiutannut siunissaq ungasinnerusoq eqqarsaatigalugu
molybdænimik pilersuinissamik isumaqatigiissummik atsiorpoq.
Rogesa Roheisen-und Rohstoffgesellschaft isumaqatigiissusiorfigineqarpoq, taakku Tysklandimi
saviminissiornermik suliaqartut pitsaanerpaat ilaat Dillinger aamma
Saarstahlip marluullutik atortussianut stålpladinik, ruujorinik
erngup nukiganik nukissiutinik kiisalu valsetrådinik biilinik
sanaartornermut atorneqartartut suliarisarpaat.
Canadamiut
aatsitassarsioqatigiiffiat Greenland Resources tyskit
suliffeqarfiutannut siunissaq ungasinnerusoq eqqarsaatigalugu
molybdænimik pilersuinissamik isumaqatigiissummik atsiorpoq.
Rogesa Roheisen-und Rohstoffgesellschaft isumaqatigiissusiorfigineqarpoq, taakku Tysklandimi
saviminissiornermik suliaqartut pitsaanerpaat ilaat Dillinger aamma
Saarstahlip marluullutik atortussianut stålpladinik, ruujorinik
erngup nukiganik nukissiutinik kiisalu valsetrådinik biilinik
sanaartornermut atorneqartartut suliarisarpaat.
Siunnerfeqaqatigiinnerit aamma isumaqatigiissutit
Greenland Resources Tysklandimi savimminissiorfimmik allamik, GMH
Gruppemik, assingusumik januaarimi isumaqatigiissuteqarpoq.
Ferromolybdænimik aamma molybdænoxidimik,
saviminermik sisatsitsisartut ninngulerulersitsisartullu, sivisuumik atuuttussamik pilersuinissamik isumaqatigiissutigineqarluni.
Aammattaaq suliffeqarfik pisisartunik pisussaaffilerneqartunik
isumaqatigiissuteqarpoq, soorlu Finlandimi Outokumpumik, sivisuumik
molybdænoxidimik pilersuinissamik isumaqatigiissuteqartoq.
Tysklandimi savimminissiorfik
Suliffeqarfik Tysklandimi savimminissiorfinnik maannakkut
isumaqatiginninniartoq, Greenland Resourcesimi pisortaq Ruben
Shiffman ilisimatitsivoq.
- Tysklanid EU-mi molybdænimik pisisartut annersaannut ilaavoq,
tassanilu annersaavugut. Aammattaaq EU nunarsuarmi molybdænimik
pisisartuni annersaasup tulliuvoq, Ruben Shiffman oqarpoq, taassumalu
Malmbergip aatsitassarsiorfiulluarneranik erseqqissaanera
pingaartillugu.
- Minguitsupilussuuvoq, taamaattumillu pitsaalluinnarpoq. Europami
savimminissiorfiit molybdænimut piumasaqaataat tamaasa
naammassisinnaavai.
Aatsitassanik piiaaffinni Kalaallit Nunaanniittumi malmemik
aserorterineq kingornalu Belgiami suliffeqarfimmut MolyMetimut
assartuineq, tamatumalu kingorna savimminissiamik nioqqutissiaminnik
sisatserinermut molybdænimik atuisunut ingerlateqqinneqartarnissaa,
Greenland Resources naapertorlugu tamanna pilersaarutaavoq.
Europami pilersuineq
Taamaalilluni Malmbergimit aatsitassat Europami
pilersuutigissapput, Ruben Shiffman oqarpoq, taassumalu
naliliineratigut tamanna Kalaallit Nunaanni suliffissanik,
isertitassanik attaveqaatinillu pingaarutilinnik
ineriartortitsinissamut iluaqutaassaaq.
– Suliniut tamanna Kalaallit Nunaata aningaasartuutaanik 25
procentit sinnerlugit qaffaasinnaavoq, sanaartornermi suliffinnik
500-t tikillugit pilersitsissaaq ingerlatsinermilu suliffinnik
250-inik pilersitsilluni. Aamma akileraarutitigut
isertitaqarnerulersitsissallunilu kangiani attaveqarnermik
ineriartortitsissaaq.
Greenland Resourcesimi pisortaata Ruben Shiffmanip (qiterleq) Canadamiut naalakkersuisui marsip aallartinnerani isumaqatigiissuteqarfigai. Malmbjegertimi suliniummut 33 millionit koruunit missaannik tapiissuteqartoqarnissaa isumaqatigiissutigineqarluni.
Assi: Trine Juncher Jørgensen
Canadamiut suleqataanerat
Canadamiut naalakkersuisuisa Greenland Resourcesip suliniutaa 33 millionit koruunit missaannik tapiissuteqarfiginiarlugu nalunaarutigaat, tamannalu pisortaq Ruben Shiffman naapertorlugu suliniummut pisariaqartinneqartumut aningaasaliisunik allanik kajungilersitsisinnaavoq.
- Suliniummut aningaasaliisoqarnerulernissaa anguniarlugu Canadami naalakkersuisut tapersersuinissaat pingaaruteqarpoq, Ruben Shiffman oqarpoq.
