KL

DK

SULIFFEQARFIK AALISARNERMIK INGERLATSISOQ AQUTSISUNI allanngortitsivoq

Royal Greenlandimi aningaasaqarnermut pisortaq aamma tuniniaanermut assartuinermullu pisortaq soraarput

Aalisarnermut suliffeqarfissuarmi pisortaaneq Toke Binzer aningaasaqarnermut pisortaq Jan H. Lynge Pedersen tuniniaanermullu pisortaq Robert-Jan Treebus aggustip naanerani atorfimminnit tunuassasut aalajangerpoq.

- Pisortaanertut nutaatut akisussaaffigaara Royal Greenlandip siulersuisuinik pitsaanerpaamik ingerlatitseqqissinnaasutut nalilersinnaasannik toqqaanissaq. Tamatuma saniatigut aalajangerpunga Jan H. Lynge Pedersen aamma Robert-Jan Treebus atorfimminnit tunuassasut, Toke Binzer Sermitsiamut oqarpoq.
Bent Højgaard Sørensen Freelance tusagassiortoq
Saqqummersinneqarpoq

Kalaallit Nunaanni suliffeqarfiit annersaanni Royal Greenlandimi aqutsisut taarseraatiinnavipput. Aqutsisuni atorfillit marluk maanna soraartussanngorput.

Aningaasaqarnermut pisortaq Jan H. Lynge Pedersen aamma nunarsuaq tamakkerlugu tuniniaanermut assartuinermullu pisortaq Robert-Jan Treebus aggustip naanerani atorfimminni unittussanngorput.

Kalaallit Nunaanni suliffeqarfiit annersaanni Royal Greenlandimi aqutsisut taarseraatiinnavipput. Aqutsisuni atorfillit marluk maanna soraartussanngorput.

Aningaasaqarnermut pisortaq Jan H. Lynge Pedersen aamma nunarsuaq tamakkerlugu tuniniaanermut assartuinermullu pisortaq Robert-Jan Treebus aggustip naanerani atorfimminni unittussanngorput.

Royal Greenland Sermitsiamut allakkatigut taama paasissutissiivoq.

Nutaamik pisortaaneqalersillugu taamatut allanngortiterisoqartarnera pisartoq pisortaaneq Toke Binzer oqarpoq.

- Pisortaanertut nutaatut akisussaaffigaara Royal Greenlandip siulersuisuinik pitsaanerpaamik ingerlatitseqqissinnaasutut nalilersinnaasannik toqqaanissaq. Tamatuma saniatigut aalajangerpunga Jan H. Lynge Pedersen aamma Robert-Jan Treebus atorfimminnit tunuassasut, Toke Binzer Sermitsiamut oqarpoq.

Taamatut aalajangerneq aqutsisunik taakkuninnga marlunnik isornartorsiuinerunngitsoq aamma naqissuserpaa.

- Taamatut aalajangiinissaq ajornaatsuinnaanngisaannarpoq. Jan aamma Robert-Jan suliffeqarfissuup qullersaqarfiani ilaasortaasimapput pingaartinneqartut Royal Greenlandillu ineriartornerani pingaarutilimmik inissisimaffeqartut. „Aalajangerneq manna suliffeqarfissuup siunissami aqutsisuisa katitigaanissaannut tunngavoq – naammassisaannut, suliamut piginnaanerannut, assuarnaassusiannut pissusilersorneranulluunniit tunnganngilaq, Toke Binzer Sermitsiamut oqarpoq.

Nangipporlu:

- Jan H. Lynge Pedersenip aamma Robert-Jan Treebusip Royal Greenlandimi sulinerminni suliffeqarfiup niuernikkut aningaasatigullu ineriartornera nukittorsarsimavaat, Toke Binzer naqissusiivoq.

- Tunniusimanerat, suliaminnik ilisimasaqarnerat siulersuinerallu pingaartinneqarput. Royal Greenlandimi sulinerat pillugu qutsavigissavakka, ingerlaqqinnissaannullu pilluaqqullugit, naggasiivoq.

Jan H. Lynge Petersen Namminersorlutik Oqartussat aalisarnermik ingerlatseqatigiiffiutaanni Royal Greenlandimi aningaasaqarnermut siorna marsimi pisortanngorpoq. Hollandimiu Robert-Jan Treebus nunarsuaq tamakkerlugu tuniniaanermut assartuinermullu pisortatut ukiut pingasungajaat sulereerluni soraartussanngorpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

royal greenland jan h. lynge pedersen inuussutissarsiutit toke binzer pisortat taarseraanerat robert-jan treebus

Atorfiit tamaasa takukkit

PODCASTI

Powered by Labrador CMS