KL

DK

Sanaartornermik suliaqartoq Greenland Airportsimut isumaqatigiisitsiniartarfimmut suliamik suliassanngortitsivoq – 258 millionit koruuninik piumasaqartoq

Greenland Airportsip Qaqortumilu mittarfiliornissamik pingaarnertut sanaartornermik suliaqartup akornanni isumaqatigiissitsiniartarfimmut suliassanngortitsisoqarpoq. Suliap aallartinnginnerani Green Infrastructure Partnersip akileeqqussutigineqartut piumasai 250 millionit koruunit sinnerlugit nalilerneqarput.

Qaqortumi mittarfiup nutaap apriilimi ammarneqarnerata kingorna, piginnittut sanaartornermilu ingerlatsisut akornanni inatsisitigut isumaqatigiittoqarunnaarpoq.
Morten Okkels Morten Okkels Tusagassiortoq
Saqqummersinneqarpoq

Sermitsiap paasissutissaatai naapertorlugit ingerlatseqatigiiffiup Green Infrastructure Partnersip Greenland Airports Regionalimi annertuumik aningaasatigullu oqimaatsumik juunip 24-ani piumasaqarfigaa.

Greenland Airports Regional Qaqortumi mittarfiliornermut atatillugu aningaasartuutinut ilassutigineqartunut akisussaasuusoq, Green Infrastructure Partners isumaqarpoq. Ajornartorsiutit amerlanertigut suliarinninnermi kinguaattoornernut kiisalu neqeroorutinut tunngasuni kukkussutinut amigaatinullu tunngassuteqarput.

Sermitsiap paasissutissaatai naapertorlugit ingerlatseqatigiiffiup Green Infrastructure Partnersip Greenland Airports Regionalimi annertuumik aningaasatigullu oqimaatsumik juunip 24-ani piumasaqarfigaa.

Greenland Airports Regional Qaqortumi mittarfiliornermut atatillugu aningaasartuutinut ilassutigineqartunut akisussaasuusoq, Green Infrastructure Partners isumaqarpoq. Ajornartorsiutit amerlanertigut suliarinninnermi kinguaattoornernut kiisalu neqeroorutinut tunngasuni kukkussutinut amigaatinullu tunngassuteqarput.

Green Infrastructure Partnersip Greenland Airports Regionalimut akiligassiissutini 258 million koruuniusut maajip naanerani naatsorsuutigai.

Greenland Airports Regionalip akileeqqussutigineqartut itigartippai, tamatumalu kingorna isumaqatigiinnginneq isumaqatigiisitsiniartarfimmut suliassanngortitsinermik juulimi kinguneqarpoq.

258 millionit koruunit suli pineqarnersut uppernarsarneqarsinnaanngilaq. Green Infrastructure Partnersip aningaasat taakku juunip 24-ata tungaanut nalimmassarsinnaavai.

Oqaaseqartoqanngikkallarpoq suli

Isumaqatigiisitsiniartarfimmi suliaq eqqartuussinermut nalinginnaasumut assersuunneqarsinnaavoq. Qitiusumilli assigiinngissutaasoq tassaavoq eqqartuussivinni nalinginnaasuni suliaq ingerlanneqartannginnera, tassa illuatungeriit ilisimasalinnik inerniliussassamik aalajangiinissamut pisinnaatitsissummik matumani tunniussisarput.

Canadami suliffeqarfik Pennecon Qaqortumi mittarfimmut nutaamut 1.500 meterisut takitigisumut, Kujataani angallannermut qitiusumut, pingaarnertut sanaartortitsisussatut aallaqqaammut apriilip 16-ianili toqqarneqarpoq.

Green Infrastructure Partners-ip Pennecon-ip suliassai taamatullu piumasaqaatai aamma kingusinnerusukkut isumagai.

GREENLAND AIRPORTS

Greenland Airports ingerlatseqatigiiffittut ataasiinnaasutut taaneqarajuppoq, suliffeqarfissuuvorli ingerlatseqatigiiffinnit pingasuusunit ataatsimik pisortaanillit siulersuisunilu siulittaasuuffilimmik katitigaasoq.

Greenland Airports – Mittarfeqarfiit, qullersaavoq

Taakkua saniatigut ingerlatseqatigiiffiit marluk Kalaallit Nunaanni mittarfinnik allanillu suliaqarput.

Greenland Airports International Nuummi Ilulissanilu mittarfinnik marlunnik piginnittuuvoq, ingerlatseqatigiiffillu namminersorlutik oqartussanit naalagaaffimmillu pigineqarpoq.

Greenland Airports Regional Qaqortumi suluusalinnut mittarfimmik qulimiguulinnullu mittarfimmik piginnittuuvoq.

Piginnittut assigiinngitsuuneri pissutigalugu naatsorsuutigineqarsinnaanngilaq Qaqortumi mittarfik immikkut aningaasartuuteqalerpat naalagaaffiup ikiussagaa, soorlu Nuummi Ilulissanilu taamaaliorsimasoq.

– Soorunami piumasaqaammut tunngaviusoq isumaqatiginngilarput, suliarli suli suliarineqartoq pillugu oqaaseqaqqissanngilagut, attaveqaqatigiinnermut pisortaq Stine Buur Hvistendahl oqarpoq.

Greenland Airports Regionalsip ukiumoortumik nalunaarusiaani, qupperneq 17-imi ingerlatseqatigiiffiit taakkua marluk akiitsui pillugit paasissutissat allassimapput.

Geoteknikki asfaltilu pillugit apeqqutit

Ukiumoortumik nalunaarusiami, isumaqatigiissitsiniarnerup pisortatigoortumik suli aallartinnginnerani allanneqartumi, isumaqatigiinnginneq eqqartorneqarpoq, aamma misissuinermut suliassat marluk aallartissimasut eqqaaneqarput.

Misissuinermut suliassani aalajangiisussatut immikkut ilisimasalik arnaq attuumassuteqanngitsuusoq toqqarneqartarpoq.

Misissuinerit taakkua aappaa sanaartorfimmi nunap pissusianut tunngavoq (assersuutigalugu nunamut qaqqamullu), aappaalu asfaltimut nipititerinermut tunngassuteqarluni.

Misissuinerit nalilersuinerillu kikkut akiliisussanngortinneqarnerannut atorneqarneq ajorput, isumaqatigiissitsiniarnermili pingaarutilimmik uppernarsaatitut atorneqarsinnaapput. Misissuinerit nalilersuinerillu kingunerisassaat suliassap ingerlaqqinnissaanut pingaarutilerujussuusut Greenland Airports ukiumoortumik nalunaarusiamini allappoq.

Ammasuuneq naliliinermut apeqqutaasoq

Suliaq isumaqatigiissitsiniarnermi suliarineqarnera pissutaalluni tusagassiortut eqqartuussivinni nalinginnaasuni malinnaasarnermisuut malinnaasinnaanngillat.

Taamaattumik Sermitsiap Greenland Airports aperaa suliaq naammassineqarpat tamanut saqqummiunneqarsinnaanersoq.

– Suliap qanoq ingerlanera qanorlu inerneqarnissaa apeqqutaassaaq, attaveqaqatigiinnermut pisortaq Stine Buur Hvistendahl akivoq.

Naalakkersuisut aningaasanut inatsisissatut siunnersuutaat sisamanngornermi saqqummiunneqarmat, Qaqortumut tunngatillugu 250 millionit koruunit assingusumik oqaatigineqarput.

Aningaasartuutit taakkua ilaat 1,5 milliardit koruunit missaanniittut mittarfissap “naammassinissaanut” siunnersuutigineqarput. Inatsisitigut akerleriissut aningaasanut inatsisissatut siunnersuutillu imarisaata imminnut attuumassuteqarnerat Sermitsiap ilisimanngilaa.

Greenland Airports Regionalip taarsiissutissarpassuarnik akiliisariaqarnini naatsorsuutiginngilaa:

- Ingerlatseqatigiiffik isumaqatigiissitsiniarnermi ajorsarnissaa naatsorsuutigineqanngilaq, ukiumoortumik nalunaarusiami allassimavoq.

Green Infrastructure Partners Sermitsiamit saaffigineqarpoq, sulili maannamut akissuteqanngilaq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

green infrastructure partners 258 millionit koruunit isumaqatigiisitsineq inuussutissarsiutit qaqortumi mittarfik greenland airports regional

Atorfiit tamaasa takukkit

PODCASTI

Powered by Labrador CMS