Illunik aalisarnermut attuumassuteqarsinnaasunik
taakkununngalunniit atortulersuutinik sanaartorsinaaneq siunertaralugu kommunip
talittarfiutaata tallineqarnissaanik periarfissalerlugu, kommunip pigisaanik
Sisimiuni suliffissuaqarnermi kommunip talittarfiutaanik Qeqqata Kommunia
matumuunakkut suliariumannittussarsiuussivoq.
Nunaminertat sanianiittut ilanngullugit naatsorsoraanni
katillugu nunaminertaq 21.500 m2-mik annertussusilimmik talittarfiup sinaanik
inissiivissamillu suliariumannittussarsiuussineq imaqarpoq.
Umiarsualiveqarfik immikkoortut ilaannik immikkoortitanik
marlunnik 800-B2.1a Kommunip talittarfiutaa aamma 800-B2.1g Kommunip
talittarfiutaanik talliliinermik ilaqarpoq, marluullutik suliniutitut
ineriartortitsiffiussallutik aammalu 2024-mit 48 tungaanut kommunip
pilersaarusiorfigineqarnerani pilersaarutip ilaa nr. 003-mi
ilaatinneqarlutik.
Eqqaaniittut immikkoortut suliniuteqarfiusut marluk
umiarsualivimmi inissisimapput marluullutillu sanaartukkanik aammalu
aalisakkanik suliffissuaqarnermut atugassatut atortulersuutinik
sanaartornissamut periarfissarpassuaqarlutik.
Immikkoortut taakku marluk immikkoortortatut
pilersaarusiornermi tunngavimmi suliniuteqarfissatut immikkoortuupput,
tunnissinermulli atatillugu piginnittoq kommunip pilersaarusiornermi
immikkoortortaqarfiani nunaminertamik inniminniinissaq pillugu qinuteqarnissaa
naatsorsututigalugu pisisumit atorneqarsinnaassaaq. Tamatuma kingorna pisisoq
immikkoortunik marluusunik atuinermi suliniutitut qinnuteqaammik tigussaasumik
kommunalbestyrelsimut nassiussissaaq, tamatuma kingorna sumiiffimmi
pilersaarummik kommunip pilersaarusiorfigineqarnerani tapiliussamik
suliaqarnissaq siunertaralugu kommunalbestyrelsip Pilersaarusiortarneq
atuinerlu pillugit Inatsisartut inatsisaanni §45a Namminersorlutik Oqartussat
inatsisigut nalunaarutaanni malittarisassat malillugit qinnuteqaammik
suliaqassaaq.
Tunniussinissamut
najoqqutassat
Neqeroorutit tiguneqartut neqeroorut aningasaqarnikkut
iluaqutitaqarnerpaaq pillugu tungavigisaq malillugu nalilerneqassapput,
tassunga ilanngullugit illoqarfigisamut eqiterlugit, piumasaqaatinik
tullinnguttunnik imalerlugu:
· 50 mio. koruunit qulaallugit aki qaffasinnerpaaq
· Talittarfimmik eqqaanilu nunaminertanik
nqeroorfigisanik atuinissamut pilersaarut kommunimut inuiaqatigiinnut
akilersinnaassusaa tamakkiisoq malilugu nalilersorneqassaaq.
· Sumiiffigisami eqiterullugu (kalaallit
suliffeqarfiutaannut neqerooruteqarsinnaasut illoqarfimmillu
suliffissaasinnaasut eqqarsaatigalugit) naliliinermi piumasaqaataassaaq
pingaaruteqartoq.
Pisisoq umiarsualivimmik piginnittuunissamut,
ingerlatsinermut alliliinissamullu Naalakkersuisunut qinnuteqassaaq, tassunga
takuuk Umiarsualiviit pillugit Inatsisartut inatsisaanni § 5 kap. 2.
Akuersissut taamaallaat umiarsualiveqarnermi
suliffeqarfinnut Kalaallit Nunaanni angerlarsimaffilinnut
tunniunneqarsinnaavoq, suliffeqarfik umiarsualiveqarnermut inatsimmik
ilaatinneqartunik taamaallaat ingerlatsinissamik siunertaqarpat. Taamaattorli
umiarsualivittut suliffeqarfissaq aggersoq sinnerlugu inuit inatsisitigut
pisinnaasut takkuttullu neqeroortitsinermut peqataasinnaapput.
Umiarsualiviit pillugu Inatsisartut inatsisaanni kap. 3-mut
aammattaaq innersuussisoqarpoq, taanna umiarsualivinnik atortulersuutitalinnik
atuinermut appakaassinnaanermik akiliisitsinissamullu nalimmassaavoq.
Umiarsualivik sunik imaqarnersoq aammalu nunaminertanik
atugassiinermik, uulianut aqqutinut titartakkat takussutissanik,
innaallagissamut il.il. qanoq innerinut nalunaarusiat pillugit paasissutissat,
ingerlatsinermut aserfallatsaaliinissanullu pilersaarutit aamma
nutarsaanissanut pilersaarutit kiisalu neqeroortitsinermut atuuttuusussaq
pisinissami isumaqatigiisut Advokatfirmaet Malling & Hansen Damm e-mail
NHD@malling-hansendamm.gl atorlugu inniminneerneqarsinnaapput.
Neqeroorutit tiguneqartut tamaasa
itigartitsissugisinaanerannut Qeqqata Kommunia imminut pisinnaatimmat erseqqissaatigineqassaaq.
Neqeroorutit tunniuteqquneqarput imaluunniit Advokatfirmaet
Malling & Hansen Damm, H.J Rinksvej 39, 2 th, 3900 Nuuk
nassiuteqquneqarpoq.
Neqeroorummik tunniussinissamut piffissaliussaq 2026-mi
martsip 20-annut nal. 16.00 killilerneqarpoq.
Neqeroorutit kommunip naliliisarfianit 2026-mi martsip
30-anni ammarneqassapput.
