Sulisitsisut Peqatigiiffianni, Future Greenland pillugu ataatsimeersuartitsisumi, ataatsimeersuarneq soqutigineqarluartoq nuannaarutigineqarpoq. Aammali Trumpip Kalaallit Nunaannut immikkut aallartitaa Jeff Landry sammineqarpallaassanersoq ernummatigineqarluni.
– Kalaallit Nunaata tiguarneqarusunnera sakkutooqarnerlu eqqarsaatigalugu qaammatini kingullerni pingasuni pisut eqqarsaatigalugit Kalaallit Nunaannut taamatut tikeraartoqalernera nuannaarutaasussaagaluarnera amerlasuut allatut tigusimassagunarpaat, Christian Keldsen oqarpoq. Sulisitsisut Landry qaaqqusarinngikkaat pilersaarummullu ilaannginnera aamma oqaatigaa. Ataatsimeersuarnerli ammasuuvoq kikkulluunniit peqataaffigisinnaasaat.
Sulisitsisut Peqatigiiffianni, Future Greenland pillugu ataatsimeersuartitsisumi, ataatsimeersuarneq soqutigineqarluartoq nuannaarutigineqarpoq. Aammali Trumpip Kalaallit Nunaannut immikkut aallartitaa Jeff Landry sammineqarpallaassanersoq ernummatigineqarluni.
– Kalaallit Nunaata tiguarneqarusunnera sakkutooqarnerlu eqqarsaatigalugu qaammatini kingullerni pingasuni pisut eqqarsaatigalugit Kalaallit Nunaannut taamatut tikeraartoqalernera nuannaarutaasussaagaluarnera amerlasuut allatut tigusimassagunarpaat, Christian Keldsen oqarpoq. Sulisitsisut Landry qaaqqusarinngikkaat pilersaarummullu ilaannginnera aamma oqaatigaa. Ataatsimeersuarnerli ammasuuvoq kikkulluunniit peqataaffigisinnaasaat.
– Ukiut marluk pilersaarusiorparput, nuimasunik pissanganartunillu peqataasoqarpoq, taamaattumik Landryp tikeraarnera pissutigalugu tamakku arajutsineqassappata ajuusaarutigaara. Aamma Nuummi Amerikamiut sinniisoqarfiat Københavnimilu aallartitaqarfiat suleqatigilluarnerat naqissuserusuppara, Christian Keldsen oqarpoq.
Lousianami guvernøri Jeff Landry inussutissarsiorneq pillugu ataatsimeersuarnermi Future Greenlandimi Nuummi ilaassaaq. Perngaammik Kalaallit Nunaannukalerpoq.
Foto: Brendan Smialowski/AFP/Ritzau Scanpix
Paasititsiniaaneq ilisimasanillu avitseqatigiinneq Jeff Landry, Louisianami guvernøriusoq, Donald Trumpip USA-p Kalaallit Nunaannut immikkut aallartitaatut decembarimi toqqarpaa. Jeff Landry suli Kalaallit Nunaanniissimanngilaq, arlaleriarlunilu Trumpip aqutsinerani Kalaallit Nunaata USA-mut ilaalernissaa anguniarlugu sulissuteqarneq ataqqinaataasoq oqaatiginikuullugu. Jeff Landry Naalakkersuisut amerikamiut umiarsuarmik napparsimmavimmik Kalaallit Nunaannukartitsinialersaarnerat itigartillugu qujaannarnerarmata, inuit attaveqaqatigiittarfianni X-imi ”naalakkersuisut siulittaasuat Jens-Frederik Nielsen kanngusugit” allappoq.
Christian Keldsen Jeff Landryp Nuummut tikeraarnerani kalaallit inuiaqatigiit qanoq ingerlanersut pillugu Jeff Landrymut USA-milu MAGA-nut paasissutissiissutigineqarsinnaasoq isumaqarpoq.
– Nuummut tikeraarluni Kalaallit Nunaanni inuiaqatigiit atugarissaartuullutik qanoq ingerlalluartigisut paasisaqarfiginissaa iluaqutaalluarsinnaagunarpoq, aamma peqqinnissaqarfeqartugut kikkunnut tamanut sullissisumik. Tamatuma saniatigut inuussutissarsiorneq ingerlalluarpoq aamma Kalaallit Nunaat akisussaaffippassuarnik nammineq suliaqarluni, taamaattumik ukiuni kingullerni ineriartornerup ilarujussuani uagut nammineq naalakkersuisimavugut, Christian Keldsen oqarpoq.
Jeff Landryp saniatigut aamma USA-p Danmarkimi aallartitaa Ken Howery kiisalu Amerikamiut Nuummi sinniisoqarfianiit Susan Wilson peqataassapput.
