Umimmanniarsinnaaneq silap immikkut innera pissutaalluni kinguartinneqarpoq

Ukiup taamaalinerani silap pissusaata allaanerunera sumiiffinni arlalinni umimmanniarsinnaanerup kinguartinneqarneranik pissuteqarpoq.

Kangerlussuup eqqaani piniarsinnaaneq sapaatip-akunnerani matumani kinguartinneqarpoq, maannalu Sisimiut eqqaani aamma kinguartinneqarluni.

Aalisarnermut, Piniarnermut Nunalerinermullu Naalakkersuisoqarfik tusagassiuutitigut nalunaaruteqarpoq.

Piniarfiup kinguartinneranut aputeqannginnera sikoqannginneralu pissutaavoq. Naalakkersuisoqarfillu ima nalunaaruteqarpoq.

- Kangerlussuarmi ukioq manna silamik immikkut ittumik pisoqarnerani maannamullu Kangerlussuup qinnguani sikunngikkallarnera nunamilu aputeqannginnera pillugu Piniarfik 1, 2-mi aamma 3-mi ukiuunerani umimmanniarnerup kinguartinneqarneranut peqqutaapput.

Naalakkersuisoqarfik aalisartut piniartullu kattuffiat Qeqqatalu Kommunia suleqatigalugit silamik malinnaaviginnipput, taamaalillunilu ukiukkut umimmanniarneq qaqugu aallartissinnaanersoq aalajangerneqarumaarluni.