Uuliasiortitseqatigiiffik: Qillerut Kalaallit Nunaannukaanneqanngilaq - suli

Tuluit suliffeqarfiutaata 80 Milep, Nunap Qeqqani uuliamik ujaasinissamut atatillugu Amerikamiut suliffeqarfiutaannik Greenland Energy Company-mik suleqateqartup, maanna erseqqissarpaa “akuersissutit pisariaqartinneqartut pissarsiarineqartinnagit” qillerut Ittoqqortoormiinut apuunneqarnavianngitsoq.

Canadamiut suliffeqarfiutaata Stampede Drilling-ip Greenland Energy Company aamma 80 Mile, Nunap Qeqqani uuliasiornissamut akuersissutinik pingasunik piginnittuusut, sinnerlugit qillerivimmik pilersitsisimavoq. 80 Mile maanna allappoq, ilisimalluinnaritsik qillerinernut akuersissummik maannakkut peqaratik. „Akuersissutilli pissarsiarinissaa ilimagilluinnaratsigu piareersareertariaqaratta.“

Assi: Stampede Drillings Linkedin-profil

Trine Juncher Jørgensen Trine Juncher Jørgensen Tusagassiortoq / tusagassiortoq

Saqqummersinneqarpoq 30. Juuli 2026 - 08:57

Qillerutip sananeqaqqammersup LinkedInimi assinga allassimasorlu “Bound for Greenland” (Kalaallit Nunaannut ingerlaartoq) nalornisitsilerput, tamatumani nalornissutigineqarluni Tuluit suliffeqarfiutaata 80 Mile-p Amerikamiullu suliffeqarfiutaata Greenland Energy Companyp Nunap Qeqqani misileraallutik qilleriniarnerminnik aallartitsinissaminnut pilersaarutaat sumut killissimanersoq.

Tassami ingerlatseqatigiiffiit atortuminnik nunamut niusinissaminnut qillerinernillu aallartitsinissaminnut akuersissutaateqanngillat, tamannami Aatsitassarsiornermi Naalakkersuisoqarfiup pisortaata Sermitsiamut qanittukkut erseqqissarpaa.

Ussassaarut

Akuersissutit pisariaqartinneqartut utaqqineqartut

Ingerlatseqatigiiffiup 80 Milep maanna qularnaatsumik oqaatigaa, akuersissutit pissarsiaritinnagit qillerut Ittoqqortoormiinut apuunneqarnavianngitsoq.

Sermitsiamut mailikkut allapput, ilumoortoq qillerut sananeqareerlunilu misiligarneqareersoq, sulili nassiunneqanngitsoq aamma “pisariaqartut akuersissutigineqareerpata aatsaat Ittoqqortoormiinut apuunneqarumaartoq”.

"Assilisaq Stampede Drillingip nittartagaaniittoq qillerutaavoq USA-mi naammassineqaqqammerluni misiligarneqarsimasoq. Suli nassiunneqanngilaq – nassiunneqarallarunnaranilu. Nassiunneqarpat containerimut poortorneqariarluni Kalaallit Nunaanni qillerinissaq siunertaralugu umiarsuarmik assartorneqassaaq. Qanorluunniit pisoqassagaluarpat akuersissutit pisariaqartut inissinnissaasa tungaanut Ittoqqortoormiinut apuunneqassanngilaq.“

Ingerlanneqartussanik pilersaarusiorneq sivisusinnaasoq

Suliffeqarfik nangilluni allappoq, piareersaatit sivisusinnaasut maannalu sulissutigineqaleruttortut.

80 Mile maannakkut qillerinissamut akuersissutaateqanngimmat nalunngilluinnarparput. Akuersissutilli pissarsiarinissaa naatsorsuutigalugu piareersartariaqarpugut. Suliaq taamaattoq ukiup ataatsip missaani piareersarneqartariaqartarpoq, ullormilu akuersissutip tunniunneqarnerani aatsaat nassiunneqarsinnaalluni. Taamaattumik qinnuteqaatip Namminersorlutik Oqartussanit suliarinerani piareersarpugut. Aalajangiineq siumut aalajangeriigaanngilaq, qinnuteqaatillu suliarineqareerpata aatsaat qillerineq aallartinneqassaaq."

Ingerlatseqatigiiffiit siusinnerusukkut nalunaarutigaat, qillerutip septembarimi umiarsuakkut nassiunneqarnissaa naatsorsuutigigitsik oktobarillu aallartinnerani misileraalluni qillerinernik aallartitsinissaq siunniunneqartoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.