Kalaallit Nunaat pillugu ataatsimiititaliap pisarnertut
aaqqissuussaa „Illussaarsuarmi juulli“ Christiansborgimi Landstingip
ataatsimiittarfiani marlunngornermi ingerlanneqarmat inuit 160-init
amerlanerusut takkupput.
Nipilersoqatigiit The MALIKK, Ulf Fleischer, Uummannaq Kids
aamma Karina Møller kiisalu erinarsoqatigiit Aavaat akunniliipput. Orpik
kaavillugulu erinarsoqatigiittoqarpoq, juullillu inua mamakujunnik meeqqanut
agguaavoq.
Kalaallit Nunaat pillugu ataatsimiititaliap pisarnertut
aaqqissuussaa „Illussaarsuarmi juulli“ Christiansborgimi Landstingip
ataatsimiittarfiani marlunngornermi ingerlanneqarmat inuit 160-init
amerlanerusut takkupput.
Ulf Fleischer aaqqissuussami ”Illussaarsuarmi juulli”-mi Kalaallit Nunaat pillugu ataatsimiititaliamit aaqqissuunneqartumi aamma appisimaarpoq.
Assi: Ole V. Wagner/IA
Nipilersoqatigiit The MALIKK, Ulf Fleischer, Uummannaq Kids
aamma Karina Møller kiisalu erinarsoqatigiit Aavaat akunniliipput. Orpik
kaavillugulu erinarsoqatigiittoqarpoq, juullillu inua mamakujunnik meeqqanut
agguaavoq.
Danmarkimi katersuuffik Kalaallit Nunaat pillugu ataatsimiititaliami siulittaasup Aaja Chemnitzip
(IA) aaqqissuussaq Danmarkimi kalaallit katersuuffigisartagaattut
Christiansborgillu innuttaasut illuattut ammarneqarneratut isigaa.
– Aaqqissuussami
nipilersortartunik nutaanik sapinngisamik appisimaartoqartarpugut. Siorna
siullermeertumik Folketingimi qilaatersortoqarpoq, ukiorlu manna Folketingimi
siullerpaamik kalaallisut rappertoqarpoq. Immaqa nipituallaartoq eqqaamiut
ilaat isumaqarsimassapput, peqataasunulli tamatsinnut nuannersumik
misigisaqarfiuvoq.
Politikkikkut sammisat Juullimi aaqqissuussinermi Folketingimi ukiup politikkikkut suliaqarfiusup
naggaserneqarnera aamma malunnartinneqarpoq, taamaammallu nipilersortoqarnera
oqalugiarnernik ilaneqarpoq.
Erinarsoqatigiinneq, juullip inuata pulaarnera orpiullu kaavinnera Kalaallit Nunaat pillugu ataatsimiititaliap juullimi aaqqissuussaanni aalajangersimasumik ileqquupput
Assi: Ole V. Wagner/IA
– Aaqqissuussineq aamma angusatta ilaannik
erseqqissaaniarluta atortarparput, ilaatigut spiralilersuisimaneq pillugu
suliami arnanut taarsiissuteqarnissaq, aammali suliassarpassuit suli
sammisassagut soorlu kalaallit meeqqat Danmarkimiittut angerlarsimaffiup
avataanut inissinneqarsimasut, inatsisitigut ataataqanngitsut aamma
unioqqutitsilluni qitornavissiartaartarsimanerit. Tamatuma saniatigut ukiup
qinersiffiusup tungaanut piareersassaagut, taamaammat suliassat arlallit
naammassineqanngitsut naammasserusuppakka, Aaja Chemnitz oqarpoq.
