Johannes Sigurdsen, nipilersoqatigiinni
SIGU-kkunni erinarsortuullunilu guitarertuusoq, Miké Thomsen
suleqatigalugu nuussuarmik “SIGU og Miké: Malungivara” atsersimasaminik
novembarillu 14-iani saqqummertussamik saqqummersitsissaaq.
- Nuussuaq uannut pingaaruteqaqaaq, immiukkatsigulu
nuannisarnerpaavunga, Johannes Sigurdsen AG-mut oqaluttuarpoq.
Johannes Sigurdsen, nipilersoqatigiinni
SIGU-kkunni erinarsortuullunilu guitarertuusoq, Miké Thomsen
suleqatigalugu nuussuarmik “SIGU og Miké: Malungivara” atsersimasaminik
novembarillu 14-iani saqqummertussamik saqqummersitsissaaq.
- Nuussuaq uannut pingaaruteqaqaaq, immiukkatsigulu
nuannisarnerpaavunga, Johannes Sigurdsen AG-mut oqaluttuarpoq.
Nipilersoqatigiit SIGU nipilersornerup silarsuaani
nutaajunatillu ilaatigut Nunat Avannarliit Siunnersuisoqatigiivisa
nipilersortartunut nersornaasiuttagaannut 2023-mi innersuunneqarnikuupput.
Tusarnaartut
assiliannguinerit taallallu itisuut atorlugit erinnat aqqanillit, soorlu
“Qivittorsuit”, “Qaammat nuisoq” aamma “Paarinnga” tusarnaarsinnaassavaat.
- Erinnat uannut pingaaruteqaqaat. Piffissani
uannut ilungersunarlutillu unammillernartuni iluaqutiginikooqaakka, taanna
oqaluttuarpoq.
Nipilersoqatigiit arfineq-pingasunik inuttaqartut
ilaatigut tassaapput Johannes nammineq, Miké Thomsen, Paaliit Mølgaard
Rasmussen aamma Kristoffer Jul Reenberg. Nipilersortartut allat
immiusseqataasut tassaapput HH Suersaq, Jens Kleist aamma Louise Nipper allarpassuillu.
Erinnat nutaat funkimik nutaaliarpalaartumik,
discorpalaartumik rockerpalaartumillu nipeqarput.
- ’SIGU’-kkutut nipilersoriaaseq
ilisarineqarsinnaavoq, tamatumuunali nutaanik erinniorninni taalliorninnilu
kiffaanngissuseqangaatsiarnikuuvunga, Johannes Sigurdsen oqarpoq.
Nuussuaq nittartakkatigut toqqaannartumik
tusarnaarfiusinnaasuni soorlu Spotify-imi Apple Music-imilu saqqummissaaq.
