Qallunaat nipilersortartut Kalaallit Nunaannut tapersiummik erinarsuusiortut

Singer-songwriteri Mikael K atuakkiortorlu Knud Romer ataatsimoorlutik Kalaallit Nunaat Trumpilu pillugit erinarsuusiorput. Erinarsuut sisamanngormat Aalborgimi kalaallinut tusarnaariartunut saqqummiunneqarpoq

Mikael K-p erinarsuut tapersiiniut Aalborgimi Kalaallit Illuata sisamanngornermi ualikkut nalliuttorsiornerani kalaallinut tusarnaartitsissutigaa.

Assiliisoq: Jesper Hansen

Jesper Hansen Jesper Hansen

Saqqummersinneqarpoq 2. Maaji 2026 - 16:07

Annonse

Sisamanngormat Aalborgimi Kalaallit Illuanni fiistertoqarpoq. Illup maanna illoqarfiup qeqqani Vesterbromi inissisimaffimminut nuunnerata ukiunik qulinngortorsiornera nalliussineqarpoq.

Nalliuttorsiorneq kaffillernikkut, uaajeernikkut, nipilersortarfiup tamanut atugassiarineqarneranut kiisalu Ivaana Olsenip qallunaallu singer-songwriterip Mikael K-p tusarnaartitsinerannut, erinarsukkamik nutaamik Frit Grønlandimik, atuakkiortumit Knud Romerimit taalliarineqartumik saqqummiisoqarpoq.

Erinarsuut ukiortaareersimatsiarnerani Amerikamiut Kalaallit Nunaannik ilungersortitsinerata sakkortunerpaanerani taalliarineqarpoq.

- Naak inuusuinngikkaluarlunga sorsunnissamut piareersimasimavunga. Donald Trumpip Kalaallit Nunaannik tigusiniarluni uteriisernerata kamatsippanga, Knud Romer Sermitsiamut oqaluttuarpoq.

- Ilaquttakka sakkutuujusarnermik ileqqoqarput – Trumpillu sussaanngitsumik oqalunnerata ima ajuallatsitsigivaanga, allaat Mikael saaffiginnimmat akuersillunga.

Erinarsoqataaffissaq

Frit Grønland juullimi sulinngiffeqarnermi suliarineqarpoq.

- Knud oqaloqatigaara – Kalaallillu Nunaannut erinarsuummik tapersiummik sanassalluta aalajangerparput – Re-Sepp-Ten-imut imalluunniit Giv en hånd til Afrikamut, tamanit erinarsorneqarsinnaasumut eqqaanartumik. Kalaallit Nunaannut tamanna tulluarpoq, Mikael K nassuiaavoq.

Frit Grønland ilaatigut YouTube-mi uani tusarneqarsinnaavoq:

- Knudip taalliorpaa uangalu erinniorpara. Taavalu immiussisarfiliarluta Frit Grønland immiupparput, maannalu taanna YouTube-mi, Sportify-mi – inuillu nipilersuutinik aallertarfiini tusarnaarneqarsinnaavoq.

- Taamaammat Aalborgimi Kalaallit Illuata sisamanngornermi nalliuttorsiornermi aaqqissuinermi nipilersorusunnersunga aperimmanga, erngerlunga akuersivunga.

Tigulluarneqaqisoq

- Pissangalaangitsuunngilangali, siullermeerlungami erinarsuut kalaallinut tusarnaartunut tusartittussaavara, taamaammallu pikkunaqaaq. Qujanartumillu erinarsuut tigulluarneqarpoq, Mikael K. oqarpoq.

'FRIT GRØNLAND'

Hey, Donald, hva så?
Tag bare plads og
få dig et klart svar
her fra Nanok Bar

Du får bollerne barberet
af Mette fra Grønlandskvarteret
og Jens-Frederik Nielsen
sender dig en kærlig hilsen:

Væn dig til et nej er et nej
Du fucker aldrig mere med os fra Nuuk og Umanakvej

De eneste som ejer Grønland
det er inuit
Grønland, det er frit

Vi står lige bag dig, Grønland
Det står i rødt på hvidt
Grønland det er frit
lige meget hvad der sker
så bliv væk fra deres Grønlandskvarter.

Aluu Inuit
Aluu Inuit

Hey, Donald, hva så,
hvem er du boss for?
Hos os i Arktis
er du på glatis.

En abe med håndgranater
soldater og psykopater
First we take Manhattan
- og dør af skræk ved Kap Farvel om natten
Ingen hører jer skrige efter mor
Det er jer, som blir serveret på det store kolde bord

De eneste som ejer Grønland,
det er inuit
Grønland det er frit

Vi står lige bag dig Grønland

Det står i rødt på hvidt
Grønland det er frit
Lige meget hvad der sker
så bliv væk fra deres Grønlandskvarter

Aluu Inuit
Aluu Inuit

Mikael K-p nalliuttorsiornermi nipilersornera nalaatsornerinnaanngilaq. Siusinnerusukkut – ukiut qulit matuma siorna tikillugu – Kalaallit Illuat Aalborgip sinaani kalaaleqarfimmik taaneqartumi Umanakvejimi inissisimavoq – tamaanilu Mikael K-p nipilersortartuunera inuusuttut klubianni aallartippoq.

Nalliuttorsiorneq kaffillernermik, nipilersornermik uaajeernermillu nalliussineqarpoq. Kaffillernermut inuit 150-t missaat ornigupput.

- Kalaaleqarfimmeerpunga, Mette Frederiksenilu Gug-iminngaanneerpoq (Aalborgimi illoqarfiup avataata tungaani, aaqqiss.), Mikael K tulluusimaarluni erseqqissaavoq.

Frit Grønland februaarimi immiunneqartussanngormat Mikael K-p erinarsortartut nipilersortartullu arlallit katersorpai – Mikael K-llu Knud Romerillu saniatigut Mikael K-p nipilersortartui Klondyke, Allan Olsen, Marie Frank, Kenneth Thordal, Carl Knast, The Elitist, Wash Your Dirty Money With MyArt kiisalu Stationspumaerne Langå-meersut peqataapput.