Inuunermi unammillernartut taallani
taalliortorpalaartumik saqqummiunneqarput.
SIGU-p saqqummersitaani nutaami rytmeqarluartumik
nipilersornermi nutaaliaasumi, taallat itisuut assilianngortitat atorlugit, assersuutaasunik
isumallit aamma isummat sakkortuut maluginiarnartut akulerutsinneqarput,
taamaalilluni nipilersukkat nuannernerulerlutillu tusarnaaruminarnerulerlutik.
Inuunermi unammillernartut taallani
taalliortorpalaartumik saqqummiunneqarput.
SIGU-p saqqummersitaani nutaami rytmeqarluartumik
nipilersornermi nutaaliaasumi, taallat itisuut assilianngortitat atorlugit, assersuutaasunik
isumallit aamma isummat sakkortuut maluginiarnartut akulerutsinneqarput,
taamaalilluni nipilersukkat nuannernerulerlutillu tusarnaaruminarnerulerlutik.
Johannes Sigurdsen, nipilersoqatigiinni
SIGU-mi erinarsortoq guitarertorlu, Miké Thomsen suleqatigalugu nutaamik saqqummersitsivoq
taaguuteqartumik “SIGU og Miké: Malungivara”, taannalu novembarip 14-ianni
saqqummerpoq.
Nipilersukkat aqqanillit, soorlu
“Qivittorsuit”, “Sulerpit?” aamma “Qaammat Nuisoq” inuunermi unammillernartut eqqarsaatillu
taalliortorpalaartumik assersuutillu oqaluttuarineqartut atorlugit tusarnaartoq
angalaqatigissavaat.
Nipilersoriaatsit funkip indierockillu
akulerutsilluarneqarnerat tusaqqoornarnerulersitsipput, aamma nipilersukkat
nukittorpaluttutut eqqarsaatigilluakkatullu nipeqarlutik.
Nipilersoqatigiit arfineq-pingasunik
inuttaqarput, ilaatigut Johannes Sigurdsen nammineq, Miké Thomsen, Paaliit
Mølgaard Rasmussen aamma Kristoffer Jul Reenberg. Nipilersoqatitut
pulaartorineqartut allat tassaallutik HH Suersaq, Jens Kleist aamma Louise
Nipper allallu amerlanerusut.
Erinarsuutit tusarnaaraangakkit nipilersoriaatsimut
nunarsuarmi nalunnginneqarluartumut nuannersumut kusanartumut inuppalaartumullu,
inuttut namminermut attuumassuteqartut ilisimalertarpakka.
Sakkortuumik misigissuseqartumillu nipilersukkat
SIGU-p oqaatsit sakkortuut
misiginneqataasullu oqimaaqatigiissaarisinnaagamigit taallani misigissutsit
sakkortuut unneqqarissuserlu ersersinneqarput.
Taalliani sammisat sakkortuut,
soorlu spiralimik suliaq, nunasiaateqarneq kinaassuserlu, pineqarsimapput.
’Taamaaliornerat’ pissutigalugu atuarneqarsinnaallutillu inuiaqatigiinnut
qanipput, tassami sammisat Kalaallit Nunaanni ajornartorsiutinik piviusunik,
ullumikkut kalaallit isiginnittaasiannit, ersersitsisarmata.
Taallat sakkortuumik
oqariartuuteqarlutillu unneqqarissuseqarput, tassami SIGU-p oqaatsit sakkortuut
misiginneqataasullu oqimaaqatigiissinnerisigut nipini pilersinneqartuni taallani
misigissutsit sakkortuut unneqqarissuserlu ersersinneqaramik.
Taallani sammisat sakkortuut, soorlu
spiralilersuisimaneq, nunasiaateqarneq kinaassuserlu, ilaatigut pineqarput.
Taamaalillutik naleqqiunneqarsinnaallutik inuiaqatigiinnullu qanittuullutik,
tassami sammisat Nunatsinni ajornartorsiutinik piviusunik, ullutsinni Kalaallit
isiginnittaasiannik ersersitsisarmata.
Tusarnaartartutut ingammik
soqutiginartippakka oqaatsit soorlu kaperlaap atorneqarnera, taakkumi erinarsukkat kulturitsinnik
kalaallisullu tusarnaartitsisarnermik ersersitsilluinnarmata.
Nipilersoqatigiit SIGU Nunatsinni nipilersortartut
akornanni nutaajunngillat. Nipilersoqatigiit ilaatigut Nunat Avannarliit
Siunnersuisoqatigiivisa nipilersortartunut nersornaasiuttagaanik nersornaaserneqartussatut
2023-mi innersuunneqarput.
SIGU saqqummersitartik “Ujartaraat
Qaamaneq” ukiut marluk matuma siornagut saqqummersinneqartoq pillugu
soqutigineqalerput, taamaalillutimmi Koda Awards 2023-mi “Ukiup Nersornaasiuttagaanik”
toqqarneqartussatut innersuunneqaramik.
Tusarnaarlugit nuannersut
Nipilersukkat saqqummersitat taakku aamma
pakatsinanngillat.
Indierockimik ilaqarnera taallallu
itisuut saqqummersinneqartumiittut maanna taarseruttornerani akuerineqarsinnaanermik,
paasineqarsinnaanermik qaamanermillu misigititsigamik.
Saqqummersitami
peqataasut nipilersortartut maluginiarnartut ilagaat Angutimmarik Fleischer,
nipilersukkami ”Soorlumi najorimma?”-mi peqataasoq. Erinarsornera immikkut ittumik nipeqarami,
nipilersoqatigiinnit Disturbed-imeersutut David Draiman-itut nipeqarluni erinarsorami.
Angutip qatituumik erinarsornera arriitsumillu ilungersorpaluttumik
erinarsornera sakkortuumillu nipilersornera nuannersumik kajungernartumillu
misigisaqartitsipput. Misigisamut qujanaq.
Nipilersoriaatsinik soorlu funkimik,
indie discomik rockimillu Kalaallinik nipilersornermik misilittagaqarluartunik tusarnaarusukkaanni,
taava “SIGU & Miké” tusarnaarneqarluarsinnaavoq.
Nipilersukkat saqqummersinneqartut “SIGU
& Miké” nipilersukkanik siammarteriviit, soorlu Spotify aamma Apple Music,
aqqutigalugit tusarnaarneqarsinnaapput.
