Anorersuarnera siallerneralu pissutigalugit Nuummi aaqqissuussinerit ilaat taamaatinneqarput

Nuummi ullaaq manna umiatsiaaqqat aallanngillat. Puiseqqaanniutsitsinissaq ukioq manna unitsinneqarpoq.

Nuup Saavani nalunaaqutaq 8.00 Erfalasorput pilersaarutit malillugit amuneqarpoq. Nuup Saavanili pilersaarutit sinneri anorersuarnera pissutigalugu taamaatinneqarput.

Assi: Jesper Hansen

KASSAALUK KRISTENSEN KASSAALUK KRISTENSEN Digitalimik aaqqissuisoq

Jesper Hansen Jesper Hansen freelance journalist

Saqqummersinneqarpoq 21. Juuni 2026 - 08:55

Inuiattut ullorsiornermi pisarneq malillugu nunatsinni illoqarfinni arlalinni sapaatikkut ullaakkut puiseqqaanniuttoqarpoq.

Sivisuumik aasaanerani silagissioreerlutik Nuummi inuiattut ullorsiornermi sialussuarpoq 21 m/s-imik sakkortutigisumik anoraasuartarluni.

Tamanna pissutigalugu Kommuneqarfik Sermersuup ullaakkut Nuup Saava-ni pisussaq taamaatippaa. Puiseqqaanniulluni unammisitsinissaq, erinarsoqatigiit tusarnaartitsinissaat borgmesterillu oqalugiarnissaa taamaatiinnarneqarput. Taarsiullugu borgmester Avaaraq Olsen nal. 10 Nuuk Lokalmuseumimi oqalugiassaaq. Ullaaq tamaat katersugaasivik nalunaaqutaq 9.30-miit ullup qeqqata tungaanut kaffillissaaq.

Ussassaarut

Inuiaat assutaannik takutitsinissaq taamaatinneqartoq

Kittat, Nuummi mersortarfiusoq kalaallisuuliornermillu suliaqartartoq aserfallatsaaliisartorlu, pilersaarutit malillugit Inuiaat-show-imik taallugu kalaallisuunik assigiinngitsunik takutitsisussaagaluarpoq.

Kittalli nalunaarpoq pilersaarut taanna sila pissutigalugu aamma taamaatiinnarneqartoq.

Kommuneqarfik Sermersooq Nuummi nutaamik ullormut pilersaarusiorpoq, taakkulu Facebookimi takuneqarsinnaapput. Ualikkut unnukkullu sammisassanut pilersaarutinut sila sunniuteqarnavianngitsoq, kommuni ilisimatitsivoq.