Assit: Ilulissani ullaq manna katersuunneq

Inuiattut ullorsiornermi, Ilulissani pisarneq malillugu, Avannaata Kommuniata allaffeqarfiata saavani katersuuttoqarpoq.

Katersuunneq aallarnerlugu Ilulissani innuttaasut ilaat, Pele Dorph, erfalasumik amusivoq.

Ilulissani Erinarsoqatigiit erfalasup amuneqarnerata nalaani erinarsuutinik marlunnik atuipput. "Nunarput Utoqqarsuanngoravit" aamma "Nuna Asiilasooq".

Avannaata Kommuniani borgmesteri, Lars Erik Gabrielsen (S), erinarsoqatigiittoqareermat takkuttunut oqalugiarpoq. Taassuma ataatsimoortariaqarneq ilinniagaqarnerlu pingaartillugit oqariartuutaanut ilaapput. 

- Ulluni nutaaliaasuni uagutsinnut qanoq ileqqoqarfigivugut? Nunaqarfinniikkaanni illoqarfinniikkaanniluunniit avissaartuunneq assut ingerlavoq. Aporaassutigisat tamarmik aallartiffeqarput, ilaat ima pisoqaatigipput kinguaariinni ingerlaarlutik, borgmesteri oqalugiaammi ilaani oqarpoq.

Ilulissani peqatigiiffiit ilaat ullaaq manna aamma najuupput. Taakkua ileqqoq malillugu katinngatilisaarput.

Kalaallit Nunaanni Aalisartut Piniartullu Kattuffianni, KNAPK-imi, siulittaasoq, Iluliarmiu, Pele Blytmann, Ilulissani aamma peqataavoq.

Oqalugiartoqarlunilu erinarsoqatigiittoqareermat najuuttunut ullaakkorsiutinik sassaalliisoqarpoq.

Inuusuttut ornittagaanniit ullaap ingerlanerani aamma oqalugiartoqarpoq. Oqalugiaat inuusuttunut taakkualu sulerisarnerannut tunngassuteqarpoq. Tamatumani Aviaaja Olsen Kristoffersen inuusuttoqatini sinnerlugit oqalugiarpoq.