Atlantikup avannaamiut jullimut niuffatsitsinerat nuannarineqarluartoq
Nordatlantisk Hus Odensemiittoq pisarnertut novembarip qaammataani weekendi kingulleq umiarsualivimmi juullimut niuffatsitsisarpoq.
Nuersakkanik ilusilersuisartoq Bára Ástvaldsdóttir nuersaasoq.
Assi: Knud Fl. Larsen
Juulleriariartornera ileqqutoqqanik amerlanerpaatsinnut pisarpoq. Odensemi Nordatlantisk Julemarked ileqquusut ilagaat, taannalu ulluni marlunni ingerlanneqartarluni.
Ileqquusoq malillugu erinarsoqatigiit Umiaq appisimaarput.
Assi: Knud Fl. Larsen
Illorsuarmi quleriit pingasut tamarmik tuniniaavinnik ukioq manna aamma ulikkaarput. Katillugit 33-t. Tuniniaasut assigiinngitsut ilaatigut nuersakkanik, marrarnik, puisip amianik sanaanik, qalipakkanik, assilisanik, pinnersaatinik, atuakkanik, savinnik juullimullu pinnersaatinik nioqquterpassuaqarput. Ukioq mannali aamma allamik nutaarsiassaqarpoq: Islandermiut iffiugaat.
Anna Maria Olsenip Savalimmiormiut tussiutaat tusarnernerpaat erinarsorpai.
Assi: Knud Fl. Larsen
Tuniniaasut suliarpassui nutaaliaasut tupigusuutigiinnarneqarsinnaapput. Sutigut tamatigut nutaaliaasut.
Tamanut peqartoq
Assersuuteqariarta: Dorrit Hansen nissiaqqanik juullimullu pinnersaatissanik tuniniaavoq. Dorrit Hansenip tuniniaaffia ilaqutariit suleqataaffigaat. Panii marluk, ernutai ernutaqqiutaalu ikiuupput.
Lilja Sveinsdóttirip paninilu pingasut Islandimiut iffiugaannik tuniniaaqatigai.
Nuersakkanik ilusilersuisartoq Bara Ástvaldsdóttir nammineq nuersaanermut najoqqutassiaminik, ilaatigut mohair-imik nuersagassamik, tuniniaavoq. Bara Ástvaldsdóttirip oqaloqatigineqaraangami assassornerup eqqarsartaatsimut iluaqutaasarnera oqaluttuarillatsiartarpaa.
Assaat ulapileraangata eqqarsaatit qatsortarput. Karline Platou, naqiterisitsisarfimmik Ikualamik piginnittoq, atuakkanik, tujuuluaqqanik pinnguaatinillu tuniniaavoq.
Karline Platou, naqiterititsisarfimmik IKUALA-mik piginnittoq, atuakkanik, tujuuluaqqanik pinnguaatinillu tuniniaavoq.
Assi: Knud Fl. Larsen
Soorunami aamma aliikkusersuisoqarpoq. Erinarsoqatigiit Umiaq erinarsorput majuartarfinnilu savalimmiormiut tussiutaat nuanneqisut tusarneqarsinnaapput. Anna Maria Olsen Bjarki Meitilimik ingiorneqarluni erinarsorpoq. Anna Maria Olsenillu tussiusiai angerlaakkusukkaanni CD-mik pisisoqarsinnaavoq.
Soorunami aamma juullip inua juullimut niuffannermi peqataavoq.
Inuppassuit juullimut tunissutissaminnik pisiortorput. Peqataasulli allat 2500-t missaanniittut angalaarusaarlutik tuniniagarpassuit qimerloorujoorpaat.
Aamma nunat Atlantikup avannaaniittut pillugit paasisaqartoqarsinnaalluni.
Ileqqaq attanneqartoq
Nordatlantisk Husimi aqqaneq-aappassaanik juullimut niuffatsitsisoqarpoq, soorunamilu novembarimi 2026-mi sapaatip akunnerata naanerani kingullermi 13-issaanik ingerlanneqassalluni.
Nissiaqqat Dorrit Hansenimeersut.
Assi: Knud Fl. Larsen
