KL

DK

UNNIA

Ena Uiloq Rosing Nicolajsenip Kalaallit Nunaat Den Store Bagedystimi peqataatissagaa

Ena Uiloq Rosing Nicolajsen ukioq manna Den Store Bagedyst-imi peqataasut qulit ilagaat, tassanilu kalaallit mamartuutaat, nerisassiaataat ileqquilu igaffimmi atorsinnaassallugit neriuutigaa.
Paninnguaq Steenholdt Tusagassiortoq
Saqqummersinneqarpoq

Ena Uiloq Rosing Nicolajsen DR-ip aallakaatitassiaani Den Store Bagedystimi Danmarkimi inuussutissarsiutiginagu iffiullammanngorniarluni unamminermi ukioq manna peqataasussat qulit ilagaat.

- Den Store Bagedystimi peqataaneq misigisaavoq tupinnartoq. Soorunami pissangavunga aamma qanoq tiguneqarumaarnera pissangagilaarnikuuara, Ena Uiloq Rosing Nicolajsen AG-mut oqarpoq.

Ena Uiloq Rosing Nicolajsen DR-ip aallakaatitassiaani Den Store Bagedystimi Danmarkimi inuussutissarsiutiginagu iffiullammanngorniarluni unamminermi ukioq manna peqataasussat qulit ilagaat.

- Den Store Bagedystimi peqataaneq misigisaavoq tupinnartoq. Soorunami pissangavunga aamma qanoq tiguneqarumaarnera pissangagilaarnikuuara, Ena Uiloq Rosing Nicolajsen AG-mut oqarpoq.

Peqataaneq taassumunnga kaaginut tunngaannarani aammali imminut allatut takutinnermut kalaallillu kulturiannik igaffimmi atuinermut tunngavoq.

- Kalaallit kulturiata igaffimmi atornissaa pingaartinnerpaasama ilagaat. Mamat, nerisassiat, ileqqut oqaluttuallu atorlugit, taanna oqaluttuarpoq.

Peqataaninittaaq suminngaanneernerminik ersersitsinissamut periarfissatut isigaa.

- Kalaallinit kingoqqisuunera tulluusimaarutigaara, Kalaallit Nunaatalu ilaanik takutitsinissannut qilanaarlungalu kulturitsinnik allanut paasisitsisinnaanissara neriuutigaara, Ena Uiloq Rosing Nicolajsen oqarpoq.

Peqataanini allat nutaamik aallartitsinissaminnut kajumississutigissagaat neriuutigaa.

Kaagiliakka atorlugit inuit kajumissaarsinnaallugit neriullungalu piumasattut iliornissamut sapiissuseqartariaqartoq takutikkusuppara, taanna oqarpoq.

Ena Uiloq Rosing Nicolajsen Odensemi najugalik ukiut sisamat matuma siorna tusarnaarnermut tunngasunik ilinniarniarluni nuuppoq. Maanna kandidatinngorniarnermini ukioq kingulleq ingerlappaa.

Ilinniarnermi saniatigut Københavnimi napparsimmavimmi Bispebjerg Hospitalimi sulivoq, ilaatigut Kalaallit Nunaanni tamarmi innuttaasunut tusilartunut tusartaatit agguaaqataaffigalugit.

Den Store Bagedyst septembarip tallimaani takuteqqaarneqassaaq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

den store bagedyst ena uiloq rosing nicolajsen dr kulturi kalaallit kulturiat kalaallit nunaat

Atorfiit tamaasa takukkit

PODCASTI

Powered by Labrador CMS