Vivi Vold, ilisimatusartoq, Emma Goldmanip nersornaasiuttagaanik ataqqisaasumik nersornaaserneqarpoq.
- Nersornaat tigugakku maniguutingaarpunga, Vivi Vold AG-mut oqarpoq.
Vivi Vold, ilisimatusartoq, Emma Goldmanip nersornaasiuttagaanik ataqqisaasumik nersornaaserneqarpoq.
- Nersornaat tigugakku maniguutingaarpunga, Vivi Vold AG-mut oqarpoq.
Misigisaq nuannersuusoq, arnallu nukittuut allat aporfissaqartaraluarlutik qasusuillutik kiffartortut ilaginerat eqqaallugu.
- Arnat allat nukittuut imaannanngitsut, suliassaqarfimmi aporfissaqartaraluarlutik qasusuillutik sulisartut, inimi ataatsimiittut peqatigalugit nuanneqaaq, Vivi Vold oqaluttuarpoq.
Kujataani illoqarfinni nunaqarfinnilu, pingaartumik Nanortalimmi Narsarmijimilu Inuit ilisimasaat pillugit suliaanut nersornaat pingaaruteqarpoq.
Vivi Voldip ukiut ingerlaneranni aaqqissuussinerit killermiut ilisimasaannik pingaartitsisut inuit ilisimasaannik qatangiisut isornartorsiortarpai.
Nersornaat imminut tunngaannanngitsoq, aammali inuiaqatigiinnut ilinniartunullu suleqatigisaminut taakkualu oqaluttuaannik misigisaannillu saqqummiussinermut tunngasoq, oqaatigaa.
- Tamanna suliannut arnarpassuillu nunasiaataanerup kingorna aaqqissuussaanermi unammilligassaqartumi suliaqarnerannut pingaaruteqartorujussuuvoq. Taamatut nersorniarneqarneq naleqartinneqarnerlu misigineq ajorlugu sulerusussuseqarnerulernermik tunisillunilu suliat allanngueqataanerannik takutitsivoq, oqarpoq.
Emma Goldman Snowball Award tassaavoq Europami arnat pisinnaatitaaffiinik naligiissitaannginnermillu ilisimatusarnermut suliniuteqarnermullu tapersersuinermut ukiumoortumik nersornaat Hollandimi FLAX Foundationimit tunniunneqartartoq.
