Philip
Malik Baadh Juhl , nipilersornerup silarsuaani $Malik-mik
imaluunniit Money-Malimmik ilisimaneqarluartoq, SPOT Festivalimi
tusarnaartitsisut ukioq manna ilagaat.
Danmarkimi
ullumikkut najugaqarpoq, tassanilu nittartagalerisutut ilinniarnini nipilersornermillu aallussinini ataatsikkut ingerlallugit. "Inuk
ataasiinnaq“-tut $Malik nammineq hiphop-punkimik nipilersugassiorlunilu taalliortuuginnanngilaq; nammineq
nipilersortartuunini aamma aquppaa.
Philip
Malik Baadh Juhl , nipilersornerup silarsuaani $Malik-mik
imaluunniit Money-Malimmik ilisimaneqarluartoq, SPOT Festivalimi
tusarnaartitsisut ukioq manna ilagaat.
Danmarkimi
ullumikkut najugaqarpoq, tassanilu nittartagalerisutut ilinniarnini nipilersornermillu aallussinini ataatsikkut ingerlallugit. "Inuk
ataasiinnaq“-tut $Malik nammineq hiphop-punkimik nipilersugassiorlunilu taalliortuuginnanngilaq; nammineq
nipilersortartuunini aamma aquppaa.
-
Nipilersugassiorneq, taalliorneq, nittarsaassineq, immiussineq katiterinerlu nammineq suliarisarpakka, Malik oqarpoq.
Nipilersuusiornermiit
eqqumiitsuliortumut
Malik
nipilersornermik produceritut aallartippoq, aallaqqaammut
nipilersortartunut allanut nipilersugassianik suliaqartarluni.
Parnaq (Hammond Iversen) ilaatigut nipilersuusiutereerlugu
nammineq nipilersuusiortalerusunnera aallartippoq.
Nipilersortartunngornermini nammineq kinaassutsini ujaqqaartussaavaa. Prussic-imut nipilersuusiornikuuvoq,
naggataatigulli nammineq atugassatut paariinnarlugu.
-
Nipilersuusiakka piaarinaatsoornerunngitsumik "nipiginnerpaasuunngillat".
Nipilersuusiarisartakkakku nipitupput nipigissarluarnerpaanatillu, radiomi appisimaarneqarnissaanut "kusassarnissaat" eqqarsaatigivallaarneq ajorpara. Allaanerutikkusullugillu equngalaartikkusukkakkit, Baadh Juhl oqarpoq.
Danmarkimi najugaqaraluarluni, nipilersoriaasia kalaallit
hiphop-iannik Amerikamiullu punkip rapperiaasianik
aallaaveqarluarpoq. Taamanernisat nutaaliaasullu immikkuullarissumik
akulerutsinneqarput.
-
Nipilersoriaasera Beastie Boysimiit isumassarsiorfigaara.
Taalliornermut aamma “swag”-imut Jens Kleist, Tarrak, Angukasik
soorunamilu Prussic isumassarsiorfigaakka. Nipilersornermut Andachan
aamma Tûtu isumassarsiorfigaakka, $Malik nipilersoriaatsimigut
maligassiuisuni pillugit oqarpoq.
- Erinarsuummi Dope-mi uanga namminerpiaq 100 procentiuvunga. Ilaatigut ima rapperpunga: “Da jeg var ung, var det kun Coco Pops, der havde mig” (Inuusukkallarama Coco Pops kisiisa pigaannga aaqq.) – sulilu ullut tamaasa Coco Pops-inik nerisarpunga. Erinarsuullu tamaaat sinittarfinni allappaara, Malik oqaluttuarpoq.
Assi: Kevin Nûno Godtfredsen
Ikiaqutit
aserorterinerlu
SPOT
Festivalimut piareersarluartariaqarsimavoq nutaanillu
nipilersuusiorsimalluni. Nipilersuusiai qanoq
misigisimaneranik aallaaveqartarput, tusarnaartitsinissamullu
sungiusarnera aamma taamaappoq, $Malik nassuiaavoq.
Angerlarsimalluni ikiaqutaannaalluni isiginnaarummullu aquut paaralugu, tusarnaartitsinissaminut
aaqqissugassat kingulliit aaqqissuuppai.
-
Tusarnaartitsivimmiinneq ingasappoq. Minutsit 15-it sioqqullugit
inoqanngimmat uippallerpunga. Tusarnaartitsiviup tunuanukarpunga,
saqqummeramali inunnik ulikkaavippoq. Tusarnaariat qiimaqaat!
Nateq, qulliit marluk højtalererlu piaarinaatsoornermik
aserorpavut, $Malik Aarhusimi scenemi misigisani pillugu
oqaluttuarpoq.
"$Malimmut
alloriarneq tulliuttoq sunaava?“
-
KNIFE Festivalimi Københavnimi maajip quligiluaani
tusarnaartitsissaanga. Tamatuma kingorna Nuummut Allattarl!-imut,
rapcampimut, peqataajartorlunga aallassaanga. Tassani inuusuttut
nipilersuusioriaatsinik ilinniartissavakka. Parnaq aamma Angukasik
erinarsuusiornermik ilinniartitsisuupput, qallunaallu
nipilersortartui aamma peqataassapput.
- Nuuteeraq KALAK PUNK-imik taaguutilik juunip qiteqqunnerani
saqqummersissavara.
Ateq
maluginiaruk – kalaallisut danskisulluunniit, nittartakkanik
ineriartortitsisutut imaluunniit rappertartutut taaguuteqaraluaruni,
$Malik nammineq kinaassutsini atorlugu iliuuseqartarpoq, dope facon.
