Nuup ilisarnaatissaanik taasisoqarsinnaanngortoq

Nuuk nutaamik ilisarnaateqalissaaq. Kommuneqarfik Sermersooq ilisarnaammik ilusilersuinissamut isumassarsianik siunnersuutit aggustip qaammataani nassiunneqarsinnaanngorpai.

Naliliisartut siunnersuutit misissoreerlugit marluk toqqarpaat, innuttaasullu Nuup siunissami suna ilisarnaatigilissaneraa maanna toqqarsinnaalerpaat.

Kommuneqarfik Sermersooq nittartakkamini allappoq.

Siunnersuutit taakku marluk tassaapput “Sermitsiap Qilaataa” aamma “Sila”.

"Sermitsiap Qilaataa"

Ilisarnaat Sermitsiap Qilaataa qaqqamut Sermitsiamut ataqqinaataavoq, eqqumiitsuliortoq ilisarnaat pillugu nassuiaammi allappoq. Kangillinnguit avannaatungaaniittumut nunap isuanut inissinneqassaaq, tassani qaqqarsuaq takuneqarsinnassallunilu illoqarfimmi inuit aqqutaasigut tikinneqarsinnaalluni.

Qilaatip ilusaa isumassarsiffigalugu ilusiligaavoq. Ammalortuuvoq tigummiviusaalu qaqqap tungaanut sammilluni. Qisunnik mattusuunik sananeqassaaq, sakkukitsunnguanillu qaammaqquserlugu. Summiffiik naapittarfittut, isikkivummukartarfittut, kulturi, ilinniarneq pinngortitarlu pillugu ornittarfiussalluni.

"Sila"

Sila Nuup mittarfiata eqqaani qaqqami qutsissumiissaaq, ammalortuunera qaqortuunera qaamasuuneralu ilisisarnaataassaaq, eqqumiitsuliortoq allappoq. Misigisaqarniarluni ornittagassatut takorluugaavoq. Ammalortup iluaninngaanniit Nuup kangerlua illoqarfillu isiginnaarneqarsinnaassalluni.

Ilisarnaat Nuummeersumik ujaqqanik taartunik sananeqassaaq. Ujaqqat qaavi assigiinngitsuupput silallu allanngorarnera malillugu allanngorartarluni. Taamaalillunilu silap qanoq inneranut Sila takussutissaalluuni. Qaava inuit qanga kakiortariaasaat isumassarsiffigalugit kingartorneqarpoq.

Novembarip 23-ata tungaanut taasisoqarsinnaavoq. Ajugaasoq novembarip 26-ani suaarutigineqassaaq.

Uani taasigit.