UNNIA

Ukiut qulit uninngareerluni nipilersukkanik nutaanik saqqummersitsisoq

Kishima kingullermik 2016-imi saqqummersitsivoq, taamani saqqummersitaa nuannarineqarluartoq tassaavoq Uumavoq Nanoq. Nunarput Qitippoq maanna saqqummersippaa.

Assi: Nammineq pigisaq.

Jette Andersen Jette Andersen Aaqqissuisoq

Saqqummersinneqarpoq 2. Aggusti 2026 - 15:06

Henrik Høyer Møller, nipilersortartoq erinarsortartorlu Kishimatut nalunnginneqarnerusoq, ukiut qulit saqqummersitsinngereerluni erinnanik nutaanik saqqummersitsivoq. Saqqummersitaa ateqarpoq "Nunarput Qitippoq", nammineerluni tusagassiuutitigut nalunaarutigaa.

Saqqummersitaa nutaaq digitaliusumik taamaallaat pissarsiarineqarsinnaavoq, nammineq taalliarisimasaanik aqqanilinnik imaqarpoq. Erinnallu erligisimallugit nammineq oqarpoq.

- Erinnat erligalugit toqqorluarnikooqaakka, misigalunga allat tusaasanngilaat tillitseqinammata. Illarnangajassinnaalluni, Henrik Møller Høyer oqarpoq, taanna Eqqumiitsuliornermut Aningaasaateqarfimmiit, KODA-miit aamma Gramex-imiit tapiiffigineqarnikuuvoq.

Ussassaarut

- Atlantic Music-imi immiussisussanngorama demoliunngilangaluunniit, tatigalunga akuersipput. oqarpoq.