Suliaq isumaqatigiissitsiniartarfiup Københavnimilu
eqqartuussiviup Kalaallit Nunaanni suliarineqartussanngortereeraat Energy
Transition Mineralsimit “suliami siuariartoqarneranik” nutaarsiassaq Narsami
Urani Naamiuni siulittaasuusimasup Mariane Paviasen Jensenip, ullumikkut Inuit
Ataqatigiit sinnerlugit Inatsisartunut ilaasortap, ernummatigaa.
Taassuma ingerlatseqatigiiffiup siulersuisutut
ataatsimiititaliaani ilaasortanngortut marluk Friis Arne Petersenip Jeppe
Kofodillu Kuannersuarni periarfissat pillugit oqaaseqaataat atuarpai,
ineriartornerlu taakkua takorluugaat Narsap matuneqarneranut
assersuunneqarsinnaasoq oqarpoq.
Suliaq isumaqatigiissitsiniartarfiup Københavnimilu
eqqartuussiviup Kalaallit Nunaanni suliarineqartussanngortereeraat Energy
Transition Mineralsimit “suliami siuariartoqarneranik” nutaarsiassaq Narsami
Urani Naamiuni siulittaasuusimasup Mariane Paviasen Jensenip, ullumikkut Inuit
Ataqatigiit sinnerlugit Inatsisartunut ilaasortap, ernummatigaa.
Taassuma ingerlatseqatigiiffiup siulersuisutut
ataatsimiititaliaani ilaasortanngortut marluk Friis Arne Petersenip Jeppe
Kofodillu Kuannersuarni periarfissat pillugit oqaaseqaataat atuarpai,
ineriartornerlu taakkua takorluugaat Narsap matuneqarneranut
assersuunneqarsinnaasoq oqarpoq.
– Ineriartorneq nutaaq siunnersuisutut ataatsimiititaliap takusaa, Narsap
kisimi pinnani sumiiffiulli tamarmi matuneqarnissaatut Kalaallillu Nunaata
nunarsuarmi minguitsoqarfiit ilaattut tusaamaneqarunnaarnissaatut isigaarput.
Aserorneqareersoq aserorteqqittariaqanngilarput. Qaartiterinikkut
nunaatitsinnillu assaanikkut kiisalu kemikaliat sakkortuut atorlugit CO2-mik
aniatitsiniarput. Tamatuma kingorna nunaaterput Kinamut assartorneqarlunilu
tassani suliarineqaqqissaaq, tunisassiallu nunamut allamut tunineqassapput.
Assartuineq tamanna naammassippat CO2-mik aniatitsineq qanoq annertutigisoq
sinnerutissava? Mariane Paviasen Jensen oqarpoq.
Suliniummut itigartitsinikuuvugut
Mariane Pavisen Jensen naapertorlugu Narsami innuttaasut
sunnguamilluunniit paatsuugaqanngillat.
Ministeriuneqarfik: Ilaasortanik toqqaanermut akuusimannginnerartoq
Energy Transition Mineralsip
siunnersuisoqatigiivinik nutaanik toqqaanermut ministeriuneqarfik
akuusimanersoq Sermitsiamit aperineqarpoq. Aamma nunanut allanut
ministeriusimasup Jeppe Kofodip Socialdemokraatineersup ministeriunerullu
akornanni attaveqartoqarsimanersoq.
Tamatumunngalu atatillugu aamma
paaserusunneqarluni, qaffasissumik atorfilittaasimasup ministeriusimasullu
Australiamiut ingerlatseqatigiiffiata soqutigisaannik sullissilersimanerat,
ministeriunerup qanoq isumaqarfigineraa. Tamannami Kalaallit Nunaannut Danmarkimullu
milliardikkaanik akiligassiissutaasinnaammat.
– Ministeriuneq imaluunniit
Ministeriuneqarfik toqqaanermi akuusimanersut, Ministeriuneqarfiup
ilumuunnginnerarsinnaavaa, ministeriuneqarfik naatsumik taama akissuteqarpoq.
– Sulimiunnut itigartitsinikuuvugut. Sooruna tamanna
ingerlatseqatigiiffimmut taama paasiuminaatsigisoq? Isumaqatigiissitsiniarnermut
eqqartuussivimmut suliassanngortitsinernik eqqartuussivilersuinernillu
sioorasaarpaatigut. Pinngortitarput minguitsoq aserorniaraat paasivarput. Aserortikkusunngilarput.
Kulturitsinnut akerliulluinnarpoq. Aamma namminiilivinnissamut
ineriartornissamullu aqqutissaasoq oqarfigissanngilatsigut. Tamanna
aqqutissaanngitsoq nalunngereerparput. Uagut nammineq aalajangiinerput
aqqutissaavoq, uagullu ataavartumik nukissiuteqarfiit uagutsinnut ataqqinnittut
toqqarpagut, Mariane Paviasen Jensen, nunanut allanut ministeriusimasup Jeppe
Kofodip ingerlatseqatigiiffiup siunnersortitut ataatsimiititaliaani
ilaasortanngorsimanera pillugu aamma iluartumik oqaasissaqanngitsoq, oqarpoq:
– Kuannersuarni suliniut Narsami eqqaanilu qanoq aseruerujussuarsimanersoq
Jeppe Kofodip ilisimalluarneraa nalornissutigaara. Taama
ilisimasaqartigigunanngilaq. Kisiannili ingerlatseqatigiiffiup qanoq
innarlersiitigisimanera pillugu Narsamut tusarnaariarnissaminut
tikilluaqqusaavoq. Suliniummut akerliuvugut, tunngavilersuutailu tamaasa
misissorlugillu akissuteqarfigaagut. Oqaasiini nutaasiassaqanngilaq.Suliniut
unitsinneqassasoq paasisariaqarpaa. Iliuuserisinnaasaalu pitsaanerpaaq
tassaavoq allamik aqqutissaqanngitsoq piginnittunut paasitissallugu, Mariane
Paviasen Jensen oqarpoq.
