Ujuut Olsen, Qaanaami qimussertartut peqatigiiffiani, Qimuggeq,
siulittaasup nammineq kajumissutsimik suleqataasussarsiornissaq, silalu
qaamanerusalerpat kaajallaaffissanik piareersaatissani tullinnguuttut
qilanaarutigerpaseqalugit oqaluttuarpoq.
- Qilanaarpugut, neriuutigaarpullu nuannersumik
pisarnertut ingerlanneqassasoq, Ujuut Olsen AG-mut oqarpoq.
Ujuut Olsen, Qaanaami qimussertartut peqatigiiffiani, Qimuggeq,
siulittaasup nammineq kajumissutsimik suleqataasussarsiornissaq, silalu
qaamanerusalerpat kaajallaaffissanik piareersaatissani tullinnguuttut
qilanaarutigerpaseqalugit oqaluttuarpoq.
- Qilanaarpugut, neriuutigaarpullu nuannersumik
pisarnertut ingerlanneqassasoq, Ujuut Olsen AG-mut oqarpoq.
Avanersuarmi qimussimik sukkanniunnissaarsuaq 100 kilometerinik
isorartussuseqartussaq ullunut marlunnut avillugu, ulluni marsip aqqaneq-aappaani 13-ianilu 2026-mi ingerlanneqartussanngortoq, Qimuggip Facebookkimi quppernerminni
nalunaarutigaat.
Qimuggip siulittaasuata qimussit qanoq amerlatigisut
peqataassaanersut naatsorsoruminaatsikkaluarlugu qimussit 20-t missaaniittut peqataassasut eqqoriarpaa.
- Nalunngeriikkatsitut kingusissukkut sikunera
pissutigalugu suli isorartuumut qimussertoqarpiartanngilaq, aammalu Savissivik
aatsaat sikoqqammerluni. Savissivimmiillu peqataasartut aggerlutik peqataajartussanersut suli iluamik paasinngilarput, Siorapalummiit Qeqertaniillu
peqataasoqarnissaa ilimanartuaannarpoq, Ujuut Olsen nassuiaavoq.
- Nammineq kajumissutsimik suleqataarusuttorpassuusarput,
ukioq manna aaqqissuussarput siornamit annikinnerummat ikiuukkusuttut
ikinnerutittariaqassavagut, Ujuut Olsen oqarpoq.
”Avanerriarmi Hukatserruunneq” siorna ingerlanneqarmat
inuit 110 missaaniittut nammineq kajumissutsimik suleqataapput, taakkunannga inuit
70-it missaaniittut aallarfissami/apuuffissami, Qeqertani unnuiffissami
igasutut, nakkutilliivinni nakkutilliisutut, aqqutissanik nalunaarsuinermi,
naggataarnersiornermi piareersaasutut suliaqarsimasut, Ujuut Olsenip AG-mut
ilisimatitsissutigaa.
