KL

DK

UNNIA

Angalanermit apuunnera oqaluttuarisaanermut ilannguttoq: Sarfannguanit AWG-mi peqataasoq siulleq nalliuttorsiutigineqarpoq

Nunaqarfimmiut tulluusimaartut Arctic Winter Gamesimi issittormiut pinnguaataannik unammiuaarnermi siullersaalluni peqataasortartik tikilluaqquaat.
Paninnguaq Steenholdt
Paninnguaq Steenholdt Tusagassiortoq
Saqqummersinneqarpoq

Qillaq Jonathansen, Sarfannguaniit Arctic Winter Games 2026-mi peqataasoq siulleq, maanna tikilluaqquneqangaarluni angerlamut apissippoq. Qeqqata Kommunia Facebookimi quppernermini taama allappoq.

Qillaq Jonathansen nunaqarfimmut marlunngornermi ullup-qeqqata missaani tikippoq. Tassanilu inuppassuit timersortartoq inuusuttoq oqaluttuarisaanermut ilannguttoq nalliuttorsiutiginiarlugu katersuutereersimapput

Qillaq Jonathansen nunaqarfimmut Sarfannguanut, Sisimiunit kangisinnerusumut 40 kilometerit missaanni ungasitsigisumiittumut, angerlamut apissippoq.

- Innuttaasut amerlasuut nalliuttorsiorpalaartumik tikilluaqquniarlugu niuffiorput, Kommuni allappoq.

Nunaqarfimmiut tulluusimaarlutik ataatsimoorlutillu ilassinnipput, nunaqarfimmiimmi peqataasoq nersorpaat, maannalu periarfissat nutaat eqqarsaatigalugit inuusuttunut assersuutaalersimavoq.

timersorneq arctic winter games placed qillaq jonathansen sarfannguit qeqqata kommunia

Atorfiit tamaasa takukkit

PODCASTI

Powered by Labrador CMS