Arnat pissartanngorniunnerat unnugu ingerlanneqassaaq

Arnat inersimasut isikkamik arsaannermi pissartanngorniunneranni eqimattat sisamat unammipput. Pissartanngortussallu kikkuuneri unnugu paasineqassaaq.

Unamminermi matumani I-69 aamma NÛK unammissapput, ajugaaniutivinnerlu unnugu ingerlanneqassaaq.

Assi: Aputsiaq Nielsen

Hanna Hviid Hanna Hviid Tusagassiortoq

Saqqummersinneqarpoq 31. Juuli 2026 - 13:54

Arnat inersimasut Ilulissani silami arsarlutik ulluni makkunani pissartanngorniupput.

Bronzennanniunnermi ajugaaniutivinnermilu unnuk manna unammisoqassaaq.

Bronzennanniunnermi Inussuk 2002 illoqarfimmilu arsaattartut nalunaaqutaq 17.00 unammissapput

Ussassaarut

I-69 aamma NÛK ajugaaniutivinnermi nalunaaqutaq 19.00 unammissapput.

Timersoqatigiiffiit sisamat unammipput. Kalaallit Nunaanni pissartanngorniuttoqassappat minnerpaamik holdit sisamat peqataasariaqarput, taamaattumik aaqqissuisut illoqarfimmi timersoqatigiiffinnik unammisartunik pilersitsisimapput.

- Peqataarusuttunik ujartuinitsinni pissarsivugut, Marie Louise Broberg arnat pissartanngorniunnerannik aaqqissuisoq oqarpoq.

Illoqarfiup arsaattartui amerlanerit arnaapput Ilulissaneersut, inuusuttullu marluk Qeqertarsuarmeersut.

Naak holdit assigiinngitsunik piginnaaneqaraluartut maannamut ingerlalluartut, Marie Louise Broberg oqaluttuarpoq.