Arsaannermi Kalaallit Nunaanni pissartanngorniuttoqarnerani aaqqissuisut ajugaasut

Angutit isikkamik arsaannermi pissartanngorniunnerat, Maniitsumi marlunngornermi aallartippoq Tassanilu Maniitsumi timersoqatigiiffik Aqissiaq aallartilluarnerpaavoq.

Kalaallit Nunaanni pissartanngorniunnermi finalernermi B-67 IT-79-imut ajugaammat siorna assilisaq.

Assi: B-67

Morten Okkels Morten Okkels Tusagassiortoq

Saqqummersinneqarpoq 5. Aggusti 2026 - 14:01

Kalaallit Nunaanni pissartanngorniunnermi unamminerit siulliit marluk ukioq manna, Maniitsumi ingerlanneqartumi naammassisimalerput.

Unamminerit aappaani Qeqertarsuarmiut G-44 aamma Nuummiut B-67 naligiipput.

Maniitsumeersut Aqissiaq unammiuaarnermi siullermi Nuummeersut IT-79 ajugaaffigai. Unamminerup immikkoortuani siullermi Aqissiaq kinguaqqagaluarpoq kingusinnerusukkulli 2-1-imut mumisillugu.

Ussassaarut

Semifinalinut annguttussat inissinniarlugit, timersoqatigiiffiit sisamat ukioq manna pingasunngornermi sisamanngornermilu eqimattani unammissapput.

Semifinalit tallimanngorpat aggustip 7-ani pissapput, bronzennanniunneq ajugaaniutivinnerlu arfininngornermi aggustip 8-ani ingerlanneqassallutik.

KAK-p unamminissanut pilersaarutai ataani takusinnaavatit, aamma KNR-ikkut toqqaannartumik malinnaavigineqarsinnaapput..