B-67ajugaarujussuarluni nunatsinni pissartanngoqqippoq

Ualimut Maniitsumi seqinnarissuugaa nunatsinni isikkamik arsaalluni pissartanngorniunnermi Qeqertarsuarmiut (G-44) Nuummiunut (B-67) finalertuupput.

B-67 pissartaanerminnik illersuipput, G-44-li minutsini qulini unammereernermi unamminermi siulliulluni periarfissarsivoq.

Unammisut tamarmik ilungersorput, ingammillu B-67 arlalinnik annertuunik periarfissarsisarpoq, unamminerulli immikkoortuani siullermi isertitsisoqanngilaq, muminnermilu 0-0-qqapput.

Muminnissaq sioqqullugu isertitsisoqanngitsoq muminnerup kingorna minutsit 46-ssaanni Ari Hermann B-67-meersoq isertitsivoq.

Pissartaanerminnik illersuisut saassussiuarsinnarput, minutsillu 13-t qaangiuttut Ari Hermann 2-0-mut isertitseqqippoq.

Minutsit qulit qaangiuttut B-67 suli sukataartuarpoq, René Eriksen Petersenilu 3-0-mut isertitsivoq.

Sivitsunngitsoq G-44-mioq B-67-p højrnerneranut atatillugu nammineq måliminut isertitsimmat 4-0-nngorpoq.

Unamminerlu 4-0-mik inerneqarpoq, B-67-rmiullu nalunaaqutaq arfernup qaangilaaraa unammineq naammassisoq siggartoqarmat talitik kivissinnaalerpaat.

Pissartanngorniunnerni illoqarfimmeersut Aqissiakkut bronzennapput, taakku IT-79 bronzennanniunnermi 5-0-mik ajorsartippaat, unamminerlu finalertoqarnissaa sioqqutsitsiarlugu ingerlanneqarpoq.