Isikkamik arsaalluni pissartanngorniunneq aallartippoq: B-67 aamma Aqissiaq eqimattani naligiimmik unammipput

Angutit isikkamik arsarlutik pissartanngorniunnerat Maniitsumi ukioq manna ingerlanneqarpoq.

Eqimattani unamminerit marluk pingasunngornermi ingerlaqqipput, taakkualu aappaani B-67 Nuummeersoq aamma Maniitsumiit unammisartut Aqissiaq naligiilluinnarput.

B-67 minutsit aqqanillit ingerlanerinnaanni, René Eriksen Petersenip unamminermi isertitsinerani siuarpoq. Henning Windip Aqissiaq 1-1-imut Minutsit marluk qaangiummata isertitsinermigut maligiilersitsivoq.

Unamminerup immikkoortuata aappaani unammisut naligiipput.

Unamminerup immikkoortuata aappaani isertitsipallanneq

Unamminerup immikkoortuata aappaani Aqissiaq B-67-mik tatineqarpoq. Niklas Thorliefsenip minutsit 46-russaanni isertitsineratigut, B-67 2-1-imik siuarpoq.

B-67 straffemik minutsit marluk qaangiummata aqitsivoq, Bastian Rosingillu tassani isertitsivoq 3-1-nillu siuariartitsilluni.

Aqissiarli aamma minutsit 56-issaanni straffemik aqitsivoq, tassanilu Hans Ole Kleist 3-2-mik siuariartitsilluni.

Aqissiaq arlaleriarluni naligiilersitseriaqattaaraluarluni iluatsitsinngilaq, unamminerlu 3-2-mik inerneqarpoq, taamaalillunilu B67 ajugaavoq.

Unamminermi pitsaanerpaatut toqqarneqarpoq Bastian Rosing.

G-44 ajugaasuuvoq

IT-79 aamma G-44 eqimattaminni unamminerminni aappassaanni 1-3-mik pingasunngornermi ajorsarput.

Kalaallit Nunaanni pissartanngorniunnermi unamminerit tullii sisamanngornermi ualikkut ingerlanneqassapput. Tassani Aqissiaq G-44-mut unammissaaq.

Unamminermi kingullermi sisamanngornermi unnukkut nalunaaqutaq 19.00 B67 IT-79-imut unammissaaq.