NÛK isikkamik arsarnermik nunatsinni pissartanngorniunnermi ajugaavoq

Tallimanngornermi unnukkut arnat inersimasut silami isikkamik arsaallutik Kalaallit Nunaanni pissartanngorniunnermi finalerput. 

NÛK I-69-mut unammivoq, NÛK-llu ajugaaneranik unammineq inerneqarpoq.  

Taama KAK Facebookikkut quppernermini allappoq.  

- NÛK kusanartumik illoqarfimmiunut I-69-mut Ilulissani finalimi unammereernermi 2026-mi Kalaallit Nunaanni pissartatut imminnut taasinnaasut pilluarujussuaritsi. 

Taamaalilluni I-69 sølvinnappoq. I-69 Ilulissani unammersuarnermik aaqqissuisuupput.  

Inussuk 2002 illoqarfimmeersullu bronzenanniupput, tassanilu Inussuk 2002 ajugaavoq.  

- Peqatigisaanik I-69 aaqqissuilluarneranik, nammineq piumassutsimik suliniartorpassuit, dommerit, officialsit allallu NP 2026-p iluatsilluartumik ingerlanneqarneranut peqataaqataasut KAK-p qujassuteqarfigai.  Arsartunut, sungiusaasunut, aqutsisunut isiginnaartunullu ullunut nuannersunik pissanganartumik arsaaffiusunut, ataqatigiilluarnermut timersortartorpalaarnermillu takutitsinermut qujanaq.