KL

DK

Nuukkap 2026 aallartippoq

Nuummiit Kapisilinnut nunakkoorluni isorartuumut sakkortuumik arpanneq aallartinneqarpoq. Ukioq manna 125-t peqataaniarlutik nalunaarput.

Arpaqataasussat allarnerat nuannaarnermik pissanganermillu imaqarpoq.
KASSAALUK KRISTENSEN Digitalimik aaqqissuisoq
Oscar Scott Carl Assiliisumik tusagassiortoq
Saqqummersinneqarpoq
Nuummiit nammattakkat nunakkut pisunnermi atorneqartartut, siniffissamut allequttat assigisaallu unnuiffissamut assartuunneqassapput.
Isorartuumut arpannermi arpaatit tulluartut pisariaqarput.
Arpannerup aallartinnissaa sioqqullugu peqataasut nuannaartut takussaapput.

Arpattartut 125-it ukioq manna isorartuumut arpannissamut - Nuummiit Kapisilinnut - nalunaarsimapput. Arpattut aarlarnerat Sermitsiamiit malinnaaffigaarput. Pisarnertut Katuap saavaniit arpanneq aallartippoq, apuuffissarlu nunaqarfimmi Kapilinniilluni. Tassa Nuummiit 110 kilometerinik ungasitsigisumi.

110 kilometerisut ungasitsigisumut arpaqataaniarlutik nalunaartut 91-iupput, ingerlaarnissaallu ullunut pingasunut agguataarneqarluni. 45 kilometerimut arpanniat aqqaneq-marluk nalunaarsimapput, 110 kilometerimullu uninngiivillutik arpanniat 22-t nalunaarsimallutik.

Arpaqataasut Kapisilinnut arfininngorpat apuunnissaat naatsorsuutigineqarpoq.

Nuummiorpassuit peqataasunut qiimmassaajartortut sisamanngornerup ullaap-tungaani Katuap saaniipput.



kapisillit arpanneq nuuk timersorneq nuukkap 2026 arpattartut

Atorfiit tamaasa takukkit

PODCASTI

Powered by Labrador CMS