Canadamiut
aatsitassarsioqatigiiffiat Greenland Resources Tunumi Malmbjergetimit
molybdænimik magnesiumimillu piiaanissaminut akuersissuteqartoq
nalunaaruteqaqqammerpoq EIT Raw Materialsimik pisortanit namminersortunillu
pigineqartumik EU-p ingerlataanit Horizonimit aningaasaleeqataaffigineqartumik
isumaqatigiissuteqarluni.
Piginneqataassutit
Canadamiut
aatsitassarsioqatigiiffiat Greenland Resources Tunumi Malmbjergetimit
molybdænimik magnesiumimillu piiaanissaminut akuersissuteqartoq
nalunaaruteqaqqammerpoq EIT Raw Materialsimik pisortanit namminersortunillu
pigineqartumik EU-p ingerlataanit Horizonimit aningaasaleeqataaffigineqartumik
isumaqatigiissuteqarluni.
Piginneqataassutit
EIT Raw
Materials isumaqatigiissut malillugu 500.000 Euronik (3,7 million DKK missaat)
Greenland Resourcesimut aningaasaliissutaapput piginneqataassutitut
nalinginnaasutut. Tamatuma saniatigut piginneqataassutit 112.122 katillugit 1,2
million koruunit missaannik nalillit ingerlatseqatigiiffimmut
inissinneqassapput. Isumaqatigiissummi piumasaqaataavoq Centralbankenimit
naggataarutaasumik akuerineqarnissaq naatsorsuutigineqarporlu novembarip 20-ata
missaani naammassisimassasoq.
Piiaanermi periutsinik misileraaneq
Greenland
Resources aamma saniatigut EU-mit Horizonitut tapiiffigineqartunit allanit
aningaasaleeqataasussarsiorpoq.
EIT Raw
Materialsimit aningaasaliissutit magnesiumimik EU-mi aatsitassat mianernartut
pillugit inatsisit naapertorlugit saffiugassatut mianernartutut
nalunaarsorneqarsimasumik piiaanermik
misileraanertut atorneqassapput.
Ullumikkut
magnesiumip annersaa Kinameersuuvoq. Kinap nunarsuarmi tamarmi pilersuinerup 87
procentia isumagisarpaa, Europap pilersorneranit 95 procentit isumagisarlugit.
Nunarsuarmi saffiugassat mianernartut
salliuniutigineqartut
EIT Raw
Materialsimi pisortaq Bernd Schäfer tusagassiuutini nalunaarummi oqarpoq
”Magnesium Europami unammillersinnaanermut pingaarluinnartuusoq,
taamaakkaluartorli pilersuinerni tamangajanni Kina pisariaqartinneqartoq,”
”Greenland
Resourcesimi aningaasaliinerput saffiugassat mianernartut qulakkeernissaat
pillugu nunarsuarmi salliuniunnermi iliuusaavoq, pisiffiusinnaasullu
amerlanerunissaannik anguniakkanik siuarsaanerulluni Europamilu suliffissuit
akiuussinnaanerulersillugit”.
Greenland
Resourcesimi siulersuisuni siulittaasup Ruben Schiffmanip, EIT Raw
Materialsimit aningaasaliineq periarfissatut isigaa, teknologiilu nutaaliaasoq
atorlugu magnesiumimik piiaanermut periarfissat ingerlateqqinneqarnerattut.
Tamatuma saniatigut aningaasaliineq EU-mi aningaasaliinissamut
maligassiuinermik pilersitsivoq.
Greenland Resources ukioq manna juunimi ukiuni
30-ni atuuttussamik Malmbjergetimit molybdænimik magnesiumimilu piiaanissamut
akuersissummik tunineqarpoq
