26-nik ukiulik toqqutseriarsimasutut unnerluutigineqartoq

Angut ataaseq eqqartuussivimmut marlunngornermi ullaap tungaani sassartinneqassaaq.

Politiit inissiaq sumiiffiullu eqqaa ataasinngornermi ualikkut akunnerni arlalinni assersoqqavaat.

Assi: Oscar Scott Carl

KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 7. Juuli 2026 - 09:21

Angut 26-nik ukiulik toqutseriarsimasutut eqqartuussivimmut marlunngornermi ullaap tungaani sassartinneqassaaq.

Kalaallit Nunaanni Politiiniit Poul Kreutzmann paasissutissiivoq.

AAMMA ATUARUK

Politiit misissuisut: Inuit marluk tigusarineqarput – allalu ajoquserujussuarsimavoq

- Suliaq toqutseriaraluartoqarsimaneratut misissuiffigaarput, tassungalu atatillugu angut 26-nik ukiulik tigummigallarneqarnissaa siunertaralugu eqqartuussivimmut marlunngornermi sassartinneqassaaq, oqarpoq.

Ussassaarut

Kalaallit Nunaanni Politiit Nuup ilaani Nuussuarmi inissiaq tamakkerlugu sumiiffiullu ilaa ataasinngornermi ualikkut assersorpaat.

Politiit assersuinerup nalaani inuit marluk tigusaraat. Pingajuat angut 27-nik ukiulik Dronning Ingridip Napparsimmavissualiaanneqarpoq, politiillu peruluttoq paasissutissiissutigalugu.

Politiit tamanna pillugu maanna itisiliisinnaanngikkallarput.