Aalakoorluni biilertup napparut uppisikkaa

Sapaammi ullaakkut Nuummi kaajallattarfimmi ajutoortoqarnerata kingorna angut imigassartorsimalluni biilersimasutut unnerluunneqartoq, Kalaallit Nunaani Politiit nalunaarput.

Ajutoorneq Nuussuarmut isaariami pivoq, tassani angut napparummut aporluni taanna uppisikkaa, pigaartut pisortaat Karsten Højrup Kristensen nalunaarpoq.

Angutip napparummut apornermi kingorna biilini qimappai. Pisumulli isiginnittup ikiuunneratigut angut politiinit tiguneqarpoq. Ullaap tungaani kingusinnerusukkut aaversippoq.

Sapaatip ullaavata tungaani napparut aqqusernup sinaani suli uppeqqavoq. Kommuni nalunaarfigineqartoq pigaartut pisortaat nalunaarpoq.