OBS: Allaaserisami toqutsisimanermut tunngasut paasissutissat sakkortusinnaasut nassuiarneqarput.
Arnaq 26-nik ukiulik ukiuni arfineq-pingasuni
pineqaatissinneqarsimasunut inissiisarfimmiittussanngortinneqarpoq. Tasiilami juunip 26-ani 2025-mi pisup ilungersunartup kingorna Nuummi Eqqartuussisoqarfimmi Sermersuumi marlunngornermi unnukkut taama aalajangiisoqarpoq.
OBS: Allaaserisami toqutsisimanermut tunngasut paasissutissat sakkortusinnaasut nassuiarneqarput.
Arnaq 26-nik ukiulik ukiuni arfineq-pingasuni
pineqaatissinneqarsimasunut inissiisarfimmiittussanngortinneqarpoq. Tasiilami juunip 26-ani 2025-mi pisup ilungersunartup kingorna Nuummi Eqqartuussisoqarfimmi Sermersuumi marlunngornermi unnukkut taama aalajangiisoqarpoq.
Ilaqutariit taamani ataatsimoorlutik nalliuttorsiornerattut aallartippoq, arnap
qatanngutaasa anaanaatalu angerlarsimaffianni. Sisamanngornerulli
unnuaani imigassartortoqarnerani ajorluinnartumik pisoqarpoq.
Paniusup arni kisimiitillutik marloriarluni savimmik kapivaa. Saniliminnukarpoq politiinullu sianeqqusilluni. Uternermi kingorna nalaasaarfimmi ingilluni qillertuusamik immiaarartorpoq, anaananilu kapoorlugu
aallarteqqilluni.
Unnerluussisussaatitaasoq taperserneqartoq
Unnerluussut naapertorlugit anaanaasup timaani assigiinngitsuni 75-it
missaannik saviit assigiinngitsut marluk atorlugit
kapoorneqarpoq. Uummammigut kapineqarnini toqqutigisimagunarpaa,
immaqa aamma aakilliornermigut.
Unnerluussisussaatitaasoq ukiuni arfineq-pingasuni pineqaatissinneqarsimasunut
inissiisarfimmiittussanngortinneqassasoq isumaqarpoq. Illersuisup
nakuusersimanera pissutigalugu sakkukinnerusumik
pineqaatissinneqarnissaa piumasarivaa, kapoorinerillu amerlassusaat
apeqquserpaa. Taamaakkaluartoq eqqartuussiviup
unnerluussisussaatitaasoq isumaqatigaa, ukiunilu arfineq-pingasuni
pineqaatissiilluni.
Nunatsinni
toqutsineq ukiuni arfineq-marlunni pineqaatissiissutaasarpoq,
taamaalillunilu arnaq sakkortuumik pinerluuteqarnera pissutigalugu
nalinginnaasumit ukiumik ataatsimik sivisunerusumik
pineqaatissinneqarluni.
Eqqarsaatigineqaqqaartoq
Paniusup anaanami nammineerluni savimmik aallersimanera kapineqarnissanilu kissaatigisimagaa eqqartuussivimmi oqarluttuaraa. Imigassaq ilaannikkut
anaanaminnut ajoqutaasinnaasartoq, qatanngutaasa marluk uppernarsarpaat.
Taama pisoqartillugu anaanaasoq nuanniilliortarpoq imminullu toqunnissamik eqqarsaateqartarluni toqunissamullu ikiorneqarusulluni.
Anaanaasulli
aalakoorluni oqaaserisimasai eqqartuussisut isumaat naapertorlugit
pisuuneranut sakkukillissutaanngillat.
Arnap pinerliisup
pineqaatissinneqarnermi saniatigut aamma qatanngutini pingasut
toqukkut annaasaqartut taarsiivigissavai. Qatanngutini tamaasa
immikkut 100.000 koruuninik.
Arnap 26-nik
ukiullip eqqartuussut Nunatsinni Eqqartuussisuuneqarfimmut suliareqqitassanngussanerlugu sapaatit-akunneri marluk
eqqarsaatigeqqaarusuppaa.
