Tasiilami toqutsisoqarsimanerani unnerluutigineqartup nammineq nassuiaataa marlunngornermi ullaakkut tusarparput. Unnerluussisussaatitaasup arnaq inuusuttoq anaanaminik toqutsisimasutut ukiuni arfineq-pingasuni pineqaatissinneqarnissaa piumasaraa.
Arnap savimmik kapisisimanini nassuerutigaa, toqutseriarsimannginnerarporli.
Tasiilami toqutsisoqarsimanerani unnerluutigineqartup nammineq nassuiaataa marlunngornermi ullaakkut tusarparput. Unnerluussisussaatitaasup arnaq inuusuttoq anaanaminik toqutsisimasutut ukiuni arfineq-pingasuni pineqaatissinneqarnissaa piumasaraa.
Arnap savimmik kapisisimanini nassuerutigaa, toqutseriarsimannginnerarporli.
Ullaap tungaani ilisimannittunik apersuineq aalalrtippoq. Apersorneqartoq siulleq tassaavoq politeeq, taanna savilersortoqareernerata kingorna anaanasup paniatalu angerlarsimaffiannut siulliulluni orniguppoq. Tassumalu paniusoq tigusaralugu. Ima oqaluttuarpoq:
- Eqqumiitsumik pissusilersorpoq, aatsaat taama pissusilersortumik takuvunga, sulianiluunniit assingusuni taamaattumik takusimanngisaannarpunga. Illartarluni "kiisami anaanaga toqupparamik" oqarpoq. Allaannginaami susoqarsimanera suli iluamik paasisimanngikkaa.
Ernguttoqarsimaneranut takussutissaqartoq politeeq oqarpoq. Immiaaqqat qillertuusat takuneqarsinnaapput, aamma ikinnerpaamik saviit marluk inimiillutik.
Anaanaasoq aqqunarsimaqisoq ornigunnermi takuneqarsinnaasoq aamma uppernarsarpaa. Arnaq 55-inik ukiulik napparsimmaviliaanneqarpoq, nalunaaquttalli akunnerata affaa qaangiummat toqusutut nalunaarutigineqarluni.
Nassuiaataa eqqunnginneraraa
Paniasup unnerluutigineqartup politiip oqaasii akerlilerpai:
- Illarnerarpaanga illanngitsunga. Aamma anaanaga toqussimallugu oqarfiginngilara, oqarpoq.
Ilisimannittut tulli tassaapput illup saniani najugallit. Aappaa angutaavoq unnerluutigineqartup savilersoreernermi kingorna politiinut sianeqqullugu saaffigisaa. Aamma alla tusarparput, arnaq.
Ilisimannittup ernguttoqarnera tusaasimallugu oqarpoq, peqataananili. Aallaqqaammat nuannapput, kingornali oqqattoqarpalunnera tusaaneqarsinnaalluni. Anaanaasup toqoqqulluni oqarnera marlorianngikkuni pingasoriarluni tusaasimallugu ilisimannittup oqaluttuaraa.
Eqqartuussineq marlunngornermi ualikkut ilisimannittunik amerlanerusunik apersuinermik nanginneqassasoq. Marlunngornermi aamma aalajangiiffigineqassanersoq suli naluarput.
