Arnaq Arctic Circle Trailimut akisussaasoq soraartoq

AAMMA ATUARUK

Arctic Circle Trail eqqaavissuartut

Lisa Germany Arctic Circle Businessimi ´content and trail manageritut´ ukiut sisamat sinnerlugit sulivoq, ukiunilu arfineq-marlungajanni maani nunatsinni najugaqarluni.

Kangerlussuup Sisimiullu akornanni pisuttunut aqqutup nuannarineqarluartup, Arctic Circle Trailip, aserfallatsaalineqarneranut pisuttuartorpassuillu paasissutissanik eqqortumik nassaarnissaannut akisussaasimavoq.

Lisa Germanyli ukioq manna tassani aqqummi pisuttussanut siunnersuillunilu nittartakkagut naggammik marsip pingajuanni pikkorissaassaaq.

Qaammat manna naappat atorfimminit soraassaaq marsillu naanerani Sisimiut Nunarpullu qimassallugit.

- Aalajangerninniit ukioq ataaseq sinnereerpaa, Lisa Germany oqarpoq.

Nunaminut Australiamut tikeraarnermini ilaquttani ikinngutinilu piffissaqarfiginerusariaqarlugit paasivaa.

- Australia angisoorsuuvoq, tikeraaraangamalu ikinngutiga ataaseq marlulluunniit taamaallaat ornissinnaasarpakka. Aamma inuusuttuujunnaarpunga — angajoqqaakka utoqqaliartorput, taamaattumik angerlarlunga ilanginerusariaqartutut misigisimavunga, oqarpoq.

Aalajangiussani qularinngikkaluarlugu misigissutsini akuleriissillugit nuunniarpoq.

- Soorunami nuuttariaqalernera ajuusaarutigaara. Kalaallit Nunaat qimassallugu ajornaatsuinnaanngilaq, nuannareqaarami, oqarpoq.

- Neriuppunga taamaallunga tikeraarumaarlunga.

Asasaminilli peqateqartarnissani, eqqumiitsulianik suliaqarnerulernissani nittartakkamilu ingerlateqqinnissaa qilanaaraa.

Lisap Germayp soraarnera Arctic Circle Trailimut qanoq kinguneqassanersoq suli ilisimaneqanngitsoq, oqarpoq.

- Akisussaaffik tunniutissavara, sulili nalunalaarpoq kia paarlassaneraanga (aqqummi pisuttuartarfimmi, aaqq.). Arctic Circle Businessillu kommunillu tamanna oqaloqatigiissutigaat, oqarpoq.

- Neriuppunga uattulli sulialimmik atorfinitsitsisoqarumaartoq.