Dr. Phil Ittoqqortoormiiliarniarunnaartoq

Amerikamiu tv-kkut saqqummiisartutut tusaamasaq Ittoqqortoormiit eqqaanni uuliamik qillerinerit pillugit piviusulersaarusiorniarluni pilersaaruteqarpoq.

Dr. Phil aallakaatitassiami "Dr. Phil"-imiiit ilisimaneqarpoq, taannalu ukiut 20-t sinnerlugit Amerikami TV-kkut isiginnaarneqarnerpaat ilagaat. Tarnip pissusaanik ilisimasalik Republikanerit pillugit ukiuni kingullerni saqqummiisaleqqavoq. Floridami Donald Trump peqatigalugu ukioq manna maajimi oqalugiarpoq. Aasaq maanna Kalaallit Nunaannukarluni Greenland Energy Companyp uuliasiornera pillugu immiussiartussaaq.

Assi: Nathan Howard/Scanpix

KASSAALUK KRISTENSEN KASSAALUK KRISTENSEN Digitalredaktøri

Saqqummersinneqarpoq 7. Juuli 2026 - 13:17

Dr. Phil, USA-mi aallakaatitassiortartutut ilisimaneqartoq, Amerikamiut uuliasioqatigiiffiata Greenland Energyp Nunap Qeqqani (Jameson Islandimi, aaqq.) uuliamik ujaasinera pillugu Ittoqqortoormiiliarluni piviusulersaarutinik nangeqattaartunik qaammammi matumani immiussiartortussaagaluarpoq. Taamaaliortoqarniarunnaarporli.

AAMMA ATUARUK

Uuliasioqatigiiffik pisortamik nutaamik atorfinitsitsivoq — “Paatsuunganartumik attaveqaqatigiittoqarnera" nassuerutigaa

Tamanna Greenland Energyp Sermitsiamut nalunaarutaani naatsumi uppernarsarneqarpoq.

Greenland Energy Companymi pisortaaneq Roderick McIllree ima oqarpoq: - Dr. Phil Ittoqqortoormiinut Tunumullu tikeraarnissaminik juulimi imaluunniit ukiup sinnerani pilersaaruteqanngilaq.

Ussassaarut

Suliniummik tapersersuinini tamanut saqqummiukkaa

Phil McGraw, Dr. Phil-imik ilisimaneqarluartoq, republikanerinut tapersersuisutut ukiuni kingullerni saqqummertarpoq. Ittoqqortoormiit Nunallu Qeqqani uuliasiornissamik misissuisut tikeraassallugit pilersaaruteqarluni ukioq manna maajimi nalunaarutigaa.

Tikeraarnera piviusulersaarutinik nangeqattaartunik katillugit arfinillik immikkoortoqartunik inerneqartussaagaluarpoq.

Greenland Energy Company Ittoqqortoormiini innuttaasunik ataatsimiititsinermi paatsuunganermik ersersitsisunik nassuerpoq, inunnut “paatsiveerutsitsisumik” attaveqarsimallutik.

Uuliasioqatigiiffimmiit allanik maannamut paasissutissaateqartoqanngitsoq ilanngullugu oqaatigineqarpoq.