Angut 22-nik ukiulik nakuusersimasutut sioorasaarisimasutullu, Qeqqata Eqqartuussisoqarfiani maajip 13-ani pisuusutut eqqartuunneqarluni, ukioq ataaseq pineqaatissinneqarsimasunut inissiisarfimmiittussanngortinneqarpoq.
Tamanna qaqutigoorpoq, unnerluussisussaatitaasummi pinerluttoq piffissami killiligaanngitsumi paarisassanngortinnissaa piumasarigaluarpaa, taamaattoqaranilu.
Angut 22-nik ukiulik nakuusersimasutut sioorasaarisimasutullu, Qeqqata Eqqartuussisoqarfiani maajip 13-ani pisuusutut eqqartuunneqarluni, ukioq ataaseq pineqaatissinneqarsimasunut inissiisarfimmiittussanngortinneqarpoq.
Tamanna qaqutigoorpoq, unnerluussisussaatitaasummi pinerluttoq piffissami killiligaanngitsumi paarisassanngortinnissaa piumasarigaluarpaa, taamaattoqaranilu.
Angut Sisimiuni angummut 2025-mi maajip aallaqqaataani sakkortuumik kattussimermi peqataasimasutut pisuutinneqarpoq. Pisumi tassani angutit arlallit angut niaquatigut tilluarlugulu tukkarpaat, persuttaarnerlu inummiit ataatsimiit immiunneqarluni.
Aammattaaq Aasianni politiimut nakuusersimasutut sioorasaarisimasutullu, Nuummilu pineqaatissinneqarsimasunut inissiisarfimmi nakkutilliisumut narrunarsaasimasutut pisuutinneqarpoq.
Pisuni arlalinni pinngitsuutinneqartoq
Angut pisuni allani pingasuni pinngitsutut eqqartuunneqarpoq. Taakku nakuusernermut sioorasaarinermullu aamma tunngassuteqarput.
Taakkunani pinngitsuutinneqarnera nalinginnaasumik pineqaatissinneqarneranik kinguneqartoq, tassalu piffissami killilingaanngitsumi paarisassanngortinneqarani. Angutip ukiukinnera piffissalerneqanngitsumik pineqaatissinneqarnissaanut naapertuutsinngitsoq eqqartuussisoqarfimmi isumaqarput.
Angut 22-nik ukiulik taanna pineqaatissinneqarsimasut inissiisarfianni ukioq ataaseq parnaarussaaqqareerpoq, tassa maajimi 2025-mili tigummigallarneqalernerminiillu.
Angutit inuusuttut allat pingasut Sisimiuni nakuusernermut peqataasimasutut aamma eqqartuunneqarput. Ataaseq pinerluuteqaqqissagaluaruni qaammatini tallimani pineqaatissinneqarsimasunut inissiisarfimmiittussanngorlugu, aappaalu aamma pinerluuteqaqqissagaluaruni qaammatini sisamani pineqaatissinneqarsimasunut inissiisarfimmiittussanngorlugu eqqartuuneqarput. Kingulliup qanoq pineqaatissinneqarnissaata aalajangerneqarnissaa kinguartinneqarpoq.
