Kommune Kujallermi inatsisilerinermut pisortaq nutaaq

Kommune Kujalliup Mehdi Shams inatsisinik maleruaanermut inatsisilerinermullu akisussaasussatut atorfinitsippaa, Kommune Kujallermi tusagassiuutinut nalunaarummi allassimavoq.

- Mehdip akisussaaffigissavai malittarisassanik inatsisinillu malitsitsinermi suliassat pingaarnerit kiisalu inatsisilerinermi kommunimi suliassat nalinginnaasut isumagissallugit. Ingerlatsivitsinni inatsisinik atuuttunik malinninnissaq qularnaassavaa, kiisalu suulluunniit avammut nassiunneqartut inatsisit iluanni pinissaat qularnaassallugu.

AAMMA ATUARUK

Kujallermi ukiortaami oqalugiarneq: Ukioq ilungersunartorpassualik

Qaqortumi kommunimi pisortaanerup Mehdi Shamsip februaarip aallaqqaataani atorfittaamini aallartittussamut suleqateqarnissami qilanaaraa.

- Taama piginnaasaqartigisumik pikkoritsigisumillu atorfinitsitsinerput nuannaarutigaarput, qularinngilarpullu Mehdip suliassaqarfik nukittorsarlugulu ineriartortissagaa taamalu kommune siunissami tamatumuunatigut akisussaaffimminik eqquutsitsisinnaanngussalluni, Kommune Kujallermi pisortaaneq Randi Vestergaard Evaldsen oqarpoq.

Mehdi Shams har tidligere haft forskellige juridiske stillinger for selvstyret og Kommuneqarfik Sermersooq.